Ndarja nga jeta e aktorit botëror Robin Williams provokoi një “tërmet” ngushëllimesh në rrjetet sociale dhe mediat botërore. Kolegë të tij, drejtues, prodhues filmash dhe emra politikanësh shprehën vlerësimet për aktorin e madh që ka lënë gjurmë të thella në kinematorafi dhe komedinë botërore. 

“Robin Williams ishte një pilot, një mjek, një xhind, një dado, një president, një profesor, një Piter Pan, dhe çdo gjë në mes këtyre. Por ai ishte i vetmi nga ky lloj. Ai na bëri të qeshim. Ai na bëri të qajmë. Ai dha talentin e tij të pafund, lirisht dhe bujarisht, për ata që kishin nevojë më shumë”. Këto janë fjalët qëë ka zgjedhur presidenti amerikan, Barack Obama për humbjen e thellë të aktorit.
 
Aktori Steve Martin shprehu ngushëllimin duke shkruar se nuk mund të jetë më shumë i tronditur nga humbja e Robit, talentit të madh, partnerit dhe një shpirti të vërtetë. 
 
Regjisori që ka punuar me të, Ron Howard ka cituar në Twitter: “Ne humbëm Robin, gjeniun që krijoi Morkun para syve tanë në 2 orë dukë vënë përpara nesh një forcë, një shpirt të ëmbël, një artist brilant”.
 
Ndërsa Ben Stiller shprehet se "një postim në Twitter, nuk mund të përshkruaj talentin dhe shpirtin e Robin Williams, që u largua nga kjo botë".
 
Një prej miqve më të ngushtë të Robie, Eric Idle shpreh ngushëllimet për bashkëshorten dhe fëmijët duke theksuar se ai ka sjellë tek ata shumë gëzim dhe vetëm të qeshura.
 
Ngushëllimeve të mësipërme i janë bashkangjitur edhe emra të tjerë bashkëpunëtorë, miq dhe të gjithë ata që e kanë njohur Robin: Steven Spielberg, Billy Connolly, Pink, Cher etj.
 

Redaksia Online
(e.c/shqiptarja.com)