POP 5

Lajmet më të lexuara të 5 minutave të fundit

Bota

Trump dhe Biden përplasen në distancë për koronavirusin

Kandidati demokrat presidencial Joe Biden dhe rivali i tij presidenti Donald Trump, zhvilluan debatin e dytë presidencial në studio të ndryshme.   Kritika për pandeminë, mënyrën e menaxhimit të saj dhe vendi vakant në Gjykatën e Lartë ishin kyç në debatin e djeshëm. Por nuk dihet ende se si do të mbahet debati i tretë moderatori është pezulluar nga puna.

Debati i dytë presidencial duhej të zhvillohej në një studio, por për shkak të infektimit të mëparshëm të Trump  dhe mos dakordësisë mes të dyve , kandidatët për shtëpinë e Bardhë, ai demokrat Joe Biden dhe presidentit aktual Donald Trump, u përpoqën nga dy salla të ndryshme televizive të bindin votuesit amerikanë duke u perqendruar  kryesisht tek pandemia.

Demokrati Biden kritikoi të enjten atë që ai e quajti përgjigjen e nxitur nga “paniku” të Presidentit Donald Trump ndaj pandemisë së koronavirusit,

"Ai tha se nuk i tregoi askujt sepse kishte frikë se amerikanët do t’i kapte paniku.  Amerikanët nuk përfshihen nga paniku. Ai u kap nga paniku”, tha Biden.

Kurse Trump mbrojti menaxhimin nga ana e tij të një krize që ka shkaktuar vdekjen e më shumë se 217,000 amerikanëve.

Për herë të parë presidenti u shpreh se do të pranonte  një transferim paqësor të pushtetit. Pjesa më e madhe e pyetje përgjigje e Trump me gazetaren, u karakterizua  nga debati me moderatoren e cila kundërshtonte shumë nga deklaratat e presidentit.  

Kur na ndajnë pak javë nga zgjedhjet presidenciale, një tjetër debat presidencial është parashikuar për në datën 22 tetor por ende është e paqartë sesi do të organizohet, pasi spikeri i cili do të moderonte debatin e tretë Steve Scully, është pezulluar nga detyra për shkak të deklaratave të rreme se llogaria e tij në Tëitter ishte hakuar.

Një tjetër shkak që mund të çojë në anulimin e takimit është se kandidatja për zëvendës president Kamala Harris dhe kandidati demokrat Joe Biden kanë qenë në kontakt me një person të infektuar me Covid-19, pavarësisht se nuk kishin pasur kontakt të ngushtë me të infektuarin. 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12