Ish-Presidenti Donald Trump paraqiti një mocion të hënën duke kërkuar skualifikimin e gjykatëses Tanya Chutkan nga çështja penale ku ai akuzohet për përpjekje për të përmbysur rezultatin e zgjedhjeve presidenciale të vitit 2020.
Zoti Trump, kandidati kryesor për të marrë emërimin e partisë republikane në zgjedhjet presidenciale të vitit 2024, tha muajin e kaluar se planifikonte të kërkonte zëvendësimin e gjykatëses Chutkan si dhe zhvillimin e gjykimit në një vend tjetër.
Ish-Presidenti Trump argumentoi në mocion se deklaratat e mëparshme të gjykatëses Chutkan, që duket se i referohen rolit të tij në ndikimin e trazirave në ndërtesën e Kongresit më 6 janar 2021 nga mbështetësit e tij, ngrenë pikëpyetje në lidhje me paanshmërinë e saj në këtë çështje.
Deklarata gjyqësore thekson një vërejtje nga gjykatësja Chutkan gjatë një seancë dëgjimore të vitit 2022 për një të pandehur lidhur me trazirat e Kapitolit, në të cilën ajo sugjeroi se protestuesi ishte i motivuar nga "besnikëria e verbër ndaj një personi, i cili, meqë ra fjala, mbetet i lirë edhe sot e kësaj dite", thuhet se ishte shprehur gjykatësja.
Avokatët e zotit Trump argumentuan se komenti tregonte besimin e gjykatëses se zoti Trump "duhet të ndiqet penalisht dhe të burgoset".
Prokurori i Posaçëm, Jack Smith, ngriti akuza ndaj ish-Presidentit Donald Trump për përpjekje për të përmbysur rezultatin e zgjedhjeve presidenciale të vitit 2020, që rezultuan në protestën e dhunshme të përkrahësve të tij ndaj Kapitolit.
Kjo është një nga katër çështjet penale me të cilat përballet zoti Trump ndërsa kandidon për të marrë emërimin republikan për zgjedhjet e vitit 2024. Ai ka thënë se është i pafashëm për të gjitha akuzat.
Zoti Trump e ka kritikuar shpesh gjykatësen Chutkan që kur ajo u caktua për të kryesuar çështjen në gjykatën federale të Uashingtonit.
Gjykatësja Chutkan, e emëruar nga ish-Presidenti Barack Obama, hodhi poshtë kërkesën e zotit Trump në vitin 2021 në një çështje civile që ai ngriti në përpjekje për të mbrojtur të dhënat e tij në Shtëpinë e Bardhë nga një komision i Dhomës së Përfaqësuesve që hetoi trazirat në Kapitol.
Në arsyetimin e vendimit të saj, gjykatësja Chutkan shkroi mes të tjerash: "Presidentët nuk janë mbretër dhe Paditësi nuk është President"./VOA
Komente
Lajme të tjera
-
'Luftë civile' në kampin e Trump, të gjithë kundër Musk pasi i doli në krah emigrantëve të kualifikuar
27 Dhjetor, 21:22 -
Planet e administratës së re amerikane për reformimin e FBI-së
27 Dhjetor, 20:45 -
Zëvendësministri rus paralajmëron: Moska po shqyrton opsionet nëse SHBA vijon me testin bërthamor
27 Dhjetor, 09:54 -
Putin: Biden propozoi shtyrjen e pranimit të Ukrainës në NATO në 2021
27 Dhjetor, 09:03 -
Universitetet amerikane u bëjnë thirrje studentëve të huaj të kthehen përpara inaugurimit të Trump
27 Dhjetor, 08:51 -
Ministrat e kryeministrit kanadez Trudeau në Florida për bisedime me ekipin e Trump
27 Dhjetor, 07:57 -
Donald Trump tallet përsëri me kryeministrin Trudeau dhe 'emëron' ish-lojtarin e hokejit si guvernatorin e ri të Kanadasë!
26 Dhjetor, 19:08 -
Pesë pyetje për 2025-ën
26 Dhjetor, 08:23 -
Planet e administratës Trump për t’i dhënë fund luftës në Gazë
25 Dhjetor, 16:49 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29 -
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47
