Presidenti i Shteteve të Bashkuara të Amerikës, Donald Trump, mori pjesë këtë të enjte (23 janar 2025) në Forumin Ekonomik Botëror në Davosit përmes një lidhjeje video-call. Ndër temat e para për të cilat ai foli, ishte lufta në Ukrainë, e cila së shpejti feston 'ditëlindjen' e saj të tretë.
Republikani 78-vjeçar krahasoi luftën në Ukrainë me Luftën e Dytë Botërore, duke nënvizuar numrin e lartë të viktimave, që sipas tij është shumë më i lartë se shifrat e publikuara.
Trump pretendoi se Kievi është i hapur të dialogojë për një marrëveshje që sjell fundin e përhershëm të luftës së shkaktuar nga Moska, si dhe theksoi se dëshiron të takojë presidentin rus Vladimir Putin, sa më shpejt të jetë e mundur.
Presidenti amerikan tha se nëse çmimi i naftës bie, gjasat që lufta në Ukrainë të përfundojë janë të larta. 78-vjeçari shtoi se do të kërkojë nga Arabia Saudite dhe organizata OPEC që të ulin çmimet e naftës.
Republikani amerikan, gjithashtu bëri thirrje që vendet anëtare të NATO-s të rrisin kontributin në mbrojtje, duke kërkuar që ato të paguajnë 5% të Prodhimit të Brendshëm Bruto (PBB).
"Sot disa vende nuk paguajnë as 2% të PBB-së. Është koha që të gjithë të kontribuojnë në nivelin e duhur për të mbështetur Aleancën," deklaroi Trump.
Në fjalën e tij, Trump vuri në shënjestër Bashkimin Evropian, duke paralajmëruar vendosjen e tarifave për vendet anëtare të bllokut.
"Europa do të duhet të paguajë tarifa, dhe këto të ardhura do të përdoren për të ulur borxhin publik të SHBA-së," deklaroi ai.
Trump kritikoi Green Deal-in, duke e quajtur "Green Bluff". Ai tha se "do t'u lejojmë njerëzve të blejnë makinat që dëshirojnë", si dhe bëri thirrje për ulje globale të normave të interesit, duke theksuar se ato duhet të bien në të gjithë botën.
Republikani konfirmoi se ka ndërmarrë masa të menjëhershme për të ndaluar atë që ai e quajti "pushtim" në kufirin jugor të SHBA-së me Meksikën. Ai njoftoi se ushtria është dislokuar për të siguruar kufijtë dhe për të parandaluar hyrjen e paligjshme në territorin amerikan.
Deklaratat e Trump në Forumin e Davos reflektojnë qëndrimin e tij të vendosur për të mbrojtur interesat e SHBA-së, si në aspektin ekonomik, ashtu edhe në atë gjeopolitik, ndërkohë që kritikat ndaj aleatëve dhe kundërshtarëve vazhdojnë të jenë një pjesë kyçe e politikës së tij.
Për t'u informuar në mënyrë më të detajuar mbi fjalimin e Trump, lexoni zhvillimet e mëposhtme:
Donald Trump në Forumin Ekonomik Botëror në Davos, 23 janar 2025
Çmimet e naftës kanë pësuar rënie të ndjeshme pas deklaratave të Presidentit të Shteteve të Bashkuara, Donald Trump, gjatë fjalimit të tij në Forumin Ekonomik Botëror në Davos.
Në fjalën e tij, Trump njoftoi se do të kërkojë nga Arabia Saudite dhe Organizata e Vendeve Eksportuese të Naftës (OPEC) të ulin çmimet e naftës, duke sugjeruar se çmimi i lartë aktual po kontribuon në zgjatjen e luftës midis Ukrainës dhe Rusisë.
"Çmimi aktualisht është mjaftueshëm i lartë saqë kjo luftë do të vazhdojë," tha Trump, duke vënë theksin te ndikimi ekonomik i çmimeve të naftës në konfliktin e përgjakshëm.
Pas këtyre deklaratave, nafta e papërpunuar amerikane (West Texas Intermediate) ra me 85 cent, ose 1.13%, duke u tregtuar me 74.59 dollarë për fuçi. Ndërkohë, referenca globale e naftës Brent ra me 73 cent, ose 0.92%, duke arritur në 78.27 dollarë për fuçi.
Çmimet e naftës kishin shënuar rritje gjatë sesionit të tregtimit më herët gjatë ditës, por fjalimi i Presidentit Trump solli një ndryshim të papritur në treg. Ekspertët e energjisë spekulojnë se tregjet po reagojnë ndaj mundësisë së një presioni të shtuar diplomatik nga Shtetet e Bashkuara mbi prodhuesit kryesorë të naftës për të ulur çmimet dhe për të lehtësuar ndikimin ekonomik global.
Kjo lëvizje mund të ndikojë jo vetëm tregjet e energjisë, por edhe ekonomitë e vendeve që varen nga eksporti i naftës.
Deklarata e Trumpit është një tjetër sinjal që tregon se ai synon të përdorë ndikimin e SHBA-së për të ndikuar në tregjet ndërkombëtare të naftës, duke e lidhur këtë me përpjekjet për t’i dhënë fund konfliktit në Ukrainë.
Donald Trump në Forumin Ekonomik Botëror në Davos, 23 janar 2025
Presidenti i Shteteve të Bashkuara, Donald Trump, ka njoftuar planin e tij për të bërë uljen më të madhe të taksave në historinë e vendit, duke ofruar një mundësi të paprecedentë për bizneset që zgjedhin të prodhojnë brenda SHBA-së. Përmes një lidhje me video-call gjatë Forumit Ekonomik Botëror në Davos, Trump deklaroi:
"Mesazhi im për çdo biznes në botë është i qartë: ejani këtu për të prodhuar dhe ne do t’ju ofrojmë ndër taksat më të ulëta në botë. Nëse nuk e bëni këtë, që është e drejta juaj, atëherë thjesht do të duhet të paguani tarifa doganore që do të sjellin qindra miliarda dollarë në ekonominë tonë, duke e forcuar atë."
Ulja e taksave nga 21% në 15% për prodhuesit amerikanë
Trump theksoi gjithashtu se administrata e tij do të ulë normën e tatimit mbi të ardhurat e korporatave nga 21% në 15% për kompanitë që prodhojnë në SHBA.
"Këto do të jenë taksat më të ulëta ndër të gjitha ekonomitë kryesore botërore," tha ai.
Kritika për bankat dhe mbështetje për konservatorët
Gjatë një bashkëbisedimi në Davos, Trump kritikoi drejtpërdrejt drejtuesin e Bank of America, Brian Moynihan, duke e nxitur atë dhe bankat e tjera të hapin dyert për konservatorët.
"Ajo që po bëni është e gabuar," tha Trump, duke nënvizuar se bankat duhet të ofrojnë qasje të drejtë për të gjithë.
Prioritetet e Trump: Punësimi dhe lufta kundër inflacionit
Përgjigjur një pyetjeje nga Moynihan, Trump përsëriti angazhimin e tij për të ulur inflacionin dhe për të krijuar vende pune, duke theksuar se administrata e tij po punon për ta bërë Amerikën destinacionin kryesor për prodhimin global.
Me këtë strategji, Trump synon jo vetëm të forcojë ekonominë amerikane, por edhe të rrisë konkurrencën dhe investimet brenda vendit.
Donald Trump në Forumin Ekonomik Botëror në Davos, 23 janar 2025
"Putin dëshironte denuklearizimin" dhe për këtë çështje ka pasur edhe "një bisedë të mirë me Kinën". Kështu ka deklaruar presidenti i Shteteve të Bashkuara, Donald Trump, gjatë fjalës së tij, nëpërmjet një video-call, në Forumin Ekonomik Botëror të Davosit.
Trump kujtoi se ka pasur një bisedë për këtë temë me presidentin rus në vitin 2020, pak para zgjedhjeve që ai humbi kundër Joe Biden.
Donald Trump në Forumin Ekonomik Botëror në Davos, 23 janar 2025
Duke folur për marrëdhëniet me Kinën në Forumin e Davosit, presidenti amerikan Donald Trump u shpreh optimist përmirësimin e marrëdhënies së tyre.
"Marrëdhëniet me Kinën do të jenë të shkëlqyera dhe të drejta. Xi Jinping më pëlqen shumë dhe kam një marrëdhënie të shkëlqyer me të, edhe pse kemi pasur disa probleme për shkak të Covid-it," tha presidenti amerikan.
Trump theksoi gjithashtu nevojën për të korrigjuar pabarazitë tregtare midis dy vendeve, duke shtuar: "Raporti tregtar me Kinën tani është i pabalancuar dhe duhet të rregullohet. Kemi një deficit të madh tregtar."
Presidenti amerikan shprehu shpresën që Kina të luajë një rol të rëndësishëm në ndalimin e luftës mes Rusisë dhe Ukrainës.
"Shpresojmë që Kina mund të ndihmojë në ndalimin e konfliktit midis Rusisë dhe Ukrainës," deklaroi Trump. Ai theksoi se Pekini ka "leva" të rëndësishme që mund të përdorë për të ndihmuar në përfundimin e këtij konflikti.
Deklaratat e Trump në Davos nënvizojnë përpjekjet e tij për të forcuar ekonominë amerikane dhe për të promovuar stabilitetin ndërkombëtar përmes diplomacisë ekonomike dhe politike.
Donald Trump në Forumin Ekonomik Botëror në Davos, 23 janar 2025
Presidenti i Shteteve të Bashkuara të Amerikës, Donald Trump, gjatë një video-mesazhi në Forumin Ekonomik Botëror në Davos deklaroi se Ukraina është e gatshme të arrijë një marrëveshje për t’i dhënë fund luftës.
"Kjo luftë nuk duhej të kishte filluar kurrë. Shumë më tepër njerëz kanë humbur jetën sesa ç’raportohet," u shpreh ai.
Presidenti amerikan shtoi se do të donte të takonte presidentin rus, Vladimir Putin, për të diskutuar përfundimin e konfliktit.
"Dëshiroj të takoj Putin së shpejti. Duhet t’i japim fund kësaj lufte të tmerrshme në Ukrainë," deklaroi Trump.
Komente
Lajme të tjera
-
Begaj pret trupin diplomatik: BE e vetmja alternativë për Shqipërinë, zgjedhjet test! Falenderojmë SHBA për kontributin në Drejtësi! Diasporës ia kishim borxh votën
23 Janar, 19:37 -
Pas telefonatës me Presidentin Trump, sauditët 600 miliardë dollarë investime në SHBA
23 Janar, 19:23 -
Kryeministri maqedonas, takon familjen shqiptare në SHBA: Janë shembull suksesi
23 Janar, 19:09 -
Sekretari amerikan i Shtetit Rubio, vizitë në Panama javën e ardhshme
23 Janar, 18:40 -
SHËNIM/ Berisha shkruan për Trump letrën më servile të jetës së tij! Pas atyre për bllokmenët komunistë
23 Janar, 18:22
-
Analiza/ Ja pse Trump mund ta godasë Putinin më fort se Biden
23 Janar, 17:51
-
Projekti 4-vjeçar i BE për drejtësi digjitale, 7.5 mln euro për modernizimin e trajtimit të çështjeve
23 Janar, 16:58 -
Fox News: Oficerët e emigracionit arrestuan qindra emigrantë pa dokumente
23 Janar, 16:52 -
OKB ka pak alternativa për fonde pasi SHBA tërheq mbështetjen
23 Janar, 16:24 -
Frrok Çupi: Ta zëmë se Donaldi, shoku i Saliut
23 Janar, 14:54
-
Trump paralajmëroi Rusinë për sanksione të reja nëse nuk arrihet marrëveshja për fundin e luftës në Ukrainë, Kremlini: Mbetemi të gatshëm për dialog
23 Janar, 14:32 -
SHBA ‘harron’ zotimin, u ndalon ëndrrën amerikane refugjatëve, afganët mbeten në Shqipëri
23 Janar, 13:53
Ta paguaje Sala nga xhepi i vet meqenese na futi ne Nato or teeeejjjjj
Përgjigju