Ish-presidenti Donald Trump arriti një marrëveshje të mërkurën me një grup protestuesish që ngritën një padi duke pretenduar se ishin sulmuar nga rojet e tij të sigurisë jashtë ndërtesës 'Trump Tower' në vitin 2015, thanë avokatët e të dyja palëve.
Avokatët nuk dhanë detaje mbi kushtet e marrëveshjes, të cilat erdhën pasi çështja ishte akoma duke u shqyrtuar. Avokati i protestuesve, Benjamin Dictor, e quajti atë si një ditë të pabesueshme për klientat e tij të cilët ishin aktivistë të përjetshëm në komunitet të cilët u ngritën për të mbrojtur të drejtën e fjalës.
“Ishte një ditë e pabesueshme për klientët tanë, të cilët janë aktivistë të përjetshëm në komunitet të cilët u ngritën për të mbrojtur të drejtën e fjalës dhe kanë pasur çështje gjyqësore për shtatë vjet. Dhe sot, çështja u zgjidh me kushte me të cilat ata janë shumë, shumë të kënaqur”, tha Dictor.
![]()
Në një deklaratë të përbashkët të siguruar nga avokati Dictor dhe të nënshkruar nga paditësit dhe avokatja e Trump, Alina Habba, palët ranë dakord se e kanë zgjidhur çështjen dhe do ta mbyllin përfundimisht këtë çështje.
Në deklaratë thuhet: “Ata gjithashtu ranë dakord që paditësit në veprim, dhe të gjithë njerëzit, kanë të drejtë të angazhohen në protesta paqësore në trotuaret publike”.
Habba tha në një deklaratë: “Megjithëse ne ishim entuziast për të demonstruar në gjyq joseriozitetin e këtij rasti, ku palët përfundimisht ishin në gjendje të arrinin në një zgjidhje miqësore. Ne jemi shumë të kënaqur me këtë rezultat dhe jemi të lumtur që më në fund e mbyllëm këtë çështje një herë e mire”.
Padia vjen nga një incident në shtator 2015, kur një grup që protestonte ndaj komenteve të kandidatit të atëhershëm Trump për emigrantët meksikanë, pretendonte se rojet e sigurisë së Trump i sulmuan ata në trotuar jashtë ndërtesës së Avenue Fifth Trump. Padia akuzon se shefi i sigurimit të Trump goditi me grusht në kokë një prej protestuesve ndërsa përpiqej të hiqte shenjën e tij "Bëni Amerikën përsëri raciste".
Protestuesit paditën Trumpin, kompaninë e tij, fushatën e tij dhe rojet në incident, duke pretenduar se ata kishin ndërprerë "asamblenë e tyre paqësore dhe të ligjshme".
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)