PRISHTINE- Mbërrin në Prishtinë arkivoli që mban trupin e poetit të njohur Ali Podrimja, i cili pak ditë më parë u gjet pa jetë në qytetin Lodve të Francës, ku kishte udhëtuar për të marrë pjesë në një festival ndërkombëtar të poezisë. Avioni që transportonte trupin e poetit arriti nga Gjeneva në Aeroportin Ndërkombëtar të Prishtinës “Adem Jashari” rreth orës 10:00.
 
Akademia e Shkencave dhe e Arteve e Kosovës ka bërë të ditur se varrimi i akademik Ali Podrimjes do të bëhet sot në 14:30 në varrezat e Prishtinës.
Ndërkohë që homazhet në nderim të jetës dhe veprës së akademik Podrimjes do të mbahen në mjediset e Akademisë nga ora12:00 e deri në 14:00. Më pas kortezhi me trupin e pajetë të akademik Podrimjes niset për në banesën e tij të fundit nga selia e Akademisë.
(sg/shqiptarja.com)