POP 5

Lajmet më të lexuara të 5 minutave të fundit

Arkiva

Tunizia ndryshon Kushtetutën, tani
femrat të barabarta me meshkujt

Asambleja Kombëtare Tuniziane ka aprovuar një ligj të Kushtetutës së re, ku 159 nga 169 deputetë, kanë votuar pro barazisë mes gjinive, që në këtë vend nuk ekzistonte.
 TUNIZ - Në Tunizi, është aprovuar artikulli 20-të i Kartës themeltare, ku për herë të parë në vend, vendoset barazia gjinore. Asambleja Kombëtare Tuniziane ka aprovuar një ligj të Kushtetutës së re, ku 159, nga 169 deputetë, kanë votuar pro.
 
Kjo do të thotë, që femrat dhe meshkujt do të kenë të njëjtat të drejta dhe detyrime dhe se Femrat dhe meshkujt, janë të barabartë përpara ligjit, pa asnjë diskriminim.  
 
Tunizia shpreson të adoptojë Kushtetutën e re të vendit më 14 janar të këtij viti, me rastin e përvjetorit të tretë, të rënies së diktatorit Zine el-Abidine Ben, i cili u rrëzua nga detyra pas një revolte popullore, që i hapi rrugën dhe të ashtuqujturës Pranvera Arabe.
 
Përsa i përket aprovimit të këtij ligji, disa organizata ndërkombëtare për të drejtat e njeriut, mes tyre edhe Amnesty International dhe Human Rights Watch, janë të rezervuara në shprehjen e opinionit të tyre. Këto organizata, me anë të një komunikate, kanë nënvizuar disa limite, në veçanti faktin që nuk saktësohet cilat janë të drejtat e qytetarëve tunizinë dhe se nuk është i qartë koncepti i diskriminimit.
 
Sipas tyre, artikulli 20-të duhet të specifikojë që diskriminimi, direkt dhe indirekt, është i ndaluar, përsa i përket rracës, seksit, gjuhës, fesë, ideve politike, prejardhjes sociale dhe statusit në gjendjen civile.
 
Gjithashtu, Asambleja që po përgatit Kushtetutën e re të Tunizisë, ka aprovuar edhe një artikull, ku garantohet e drejta e lirisë së fjalës, mendimit, të shprehurit dhe të informacionit, por nuk është hequr dënimi me vdekje. Një amendament i tillë, nuk është aprovuar edhe pse prej vitit 90-të, në Tunizi, nuk është dhënë asnjë dënim me vdekje.
 
Redaksia online
(ac/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Hyn në fuqi strategjia afatmesme e të ardhurave, goditje nëndeklarimit të pagave! Synohet mbledhja e 650 mln eurove të ardhura

Hyn në fuqi strategjia afatmesme e të ardhurave, goditje nëndeklarimit të pagave! Synohet mbledhja e 650 mln eurove të ardhura

15 Janar, 20:43 nga Eliza Gjediku