Në vijim të turit të tij të falënderimeve, kryetari i Bashkisë së Tiranës, Erion Veliaj është takuar ma banorë të Njësisë 8 në kryeqytet. Në fjalën e tij Veliaj tha se fitorja në këtë njësi është edhe një ndër më të bukurat e 30 viteve të fundit. Ai tha se puna dhe përkushtimi bënë që qytetarët t’i besonin sërish Partisë Socialiste për ta çuar Tiranën përpara.
“Këtu në Njësinë 8, e cila dikur quhej si bastioni më i fortë i kundërshtarit - një njësi, për të cilën pala tjetër thoshte se ‘e kemi në xhep’, ‘aty kemi varur xhaketën, fitojmë edhe sikur të mos shkojmë fare’, ne kemi marrë fitoren më të madhe në 30 e kusur vite demokraci, falë punës, falë përkushtimit, njerzillëkut, këmbënguljes, falë fjalës së mbajtur, falë të parit të tjetrit në sy, falë angazhimit të jashtëzakonshëm të burrave dhe të grave të kësaj njësie, që meritojnë të gjithë respektin tonë. Sot kam disa falënderime për të gjithë brezin e atyre që e mbajtën me thonj partinë tonë në ditët e vështira, por edhe për ata që e drejtojnë sot partinë tonë, për të gjithë të deleguarit, organizatat socialiste, për të gjithë ata që ishin patronazhistë, aktivistë, vëzhgues, komisionerë, numërues”, u shpreh Veliaj.
Ai tha se arsyeja pse Partia Socialiste fiton gjithnjë e më thellë është pasioni për punën dhe për t’iu shërbyer të gjithëve njëlloj.
“Ne nuk kemi fituar një betejë sepse kemi inat dikë tjetër - ne nuk kemi inat dikë tjetër kur bëjmë shkollën “Kiço Blushi”, kur bëjmë shkollën “Sevasti Qirjazi”, kur bëjmë shkollën “Servete Maçi”, kur bëjmë Pazarin e Ri, kur bëjmë shkollën “Siri Kodra”, kur bëjmë rrugët, infrastrukturën, kur mbjellim pemët, kur bëjmë parqet, kur sigurohemi që urbanizimi ka ardhur në çdo lagje - ne nuk e bëjmë këtë si një marrëveshje inati, por si një marrëveshje pasioni, dashurie, kontributi, mirënjohjeje, respekti, fjale të mbajtur, premtimi, borxhi ndaj të parëve tanë. Ne nuk fitojmë se duam të shtypim dikë, ne nuk fitojmë se duam të përbuzim dikë, ne nuk fitojmë se duam të nënshtrojmë dikë, por ne fitojmë se duam t’iu shërbejmë të gjithëve njëlloj,” tha Veliaj.
Kryebashkiaku shtoi se me këto parime Partia Socialiste do të fitojë edhe betejën e ardhshme, atë të zgjedhjeve të përgjithshme të vitit 2025.
“Do të doja që nesër të fillojmë një rrugëtim të ri, për të ftuar edhe të gjithë ata që, ndryshe nga ne, ndoshta kanë qenë me atë idenë se “ne jemi bastion”, “e kemi varur xhaketën këtu”, “e kemi të fituar”, “e kemi në xhep”, dhe ndoshta duhet të fillojmë një komunikim të ri, jo si fitimtarë që përbuzin ata që munden, por si fitimtarë që i shtrijnë dorën tjetrit, si një fitimtar që i mjekon plagën atij që sapo ka mundur, si një fitimtar që i shërben me përulësi edhe atij që sapo i ka fituar ndeshjen. Nëse do ta bëjmë këtë, atëherë do të gdhihemi me betejën e ardhshme të 2025-ës si forca jo vetëm më e madhe, por më dinjitoze dhe më bashkuese që ka parë kombi ynë. E kemi në dorë vetë fuqinë për ta bashkuar njësinë, fuqinë për ta shëruar njësinë, fuqinë për ta unifikuar dhe për ta vënë njësinë në shërbim të komunitetit,” e mbylli Veliaj fjalën e tij.
Komente
Lajme të tjera
-
112-vjetori i Pavarësisë, Tirana vishet kuqezi! Nesër në bulevardin 'Dëshmorët e Kombit' parada e shqiptarëve nga të gjitha trevat (FOTO + VIDEO)
27 Nëntor, 20:09 -
FOTOLAJM/ Presidenca ‘vesh’ dekorin e festave, ndriçohet nga drita shumëngjyrëshe
27 Nëntor, 18:40 -
‘Drejtësi për Martinin!’ Marshim protestë për sigurinë, por pa bojkot në shkolla
27 Nëntor, 18:22 -
Mbledhja e Qeverisë, Vasilika Vjero largohet nga posti i zv/ministres së Financave pas katër vitesh
27 Nëntor, 18:05 -
Çlirimi i Shqipërisë, nxënës e veteranë mbjellin 80 pemë në varrezat e Dëshmorëve! Veliaj: Të qartë në vokacionin tonë Europian
27 Nëntor, 15:59 -
SPAK goditi organizatën kriminale të Suel Çelës, lihen në fuqi 20 masat e sigurisë, ndryshon vetëm për avokaten e grupit! Ja emrat e 4 të kërkuarve (VENDIMI)
27 Nëntor, 13:48 -
Akti normativ/ 501 mln lekë u kthehen profesionistëve të lirë! Ministri Malaj: Brenda datës 31 dhjetor 2024 përfundon procesi i rimbursimit
27 Nëntor, 11:04
-
Protesta e 26 nëntorit/ Goditën e ofeduan policët, 15 deputetë të opozitës hetohen si organizatorë! Arrestohen 2 militantë, 64 në hetim (EMRAT)
27 Nëntor, 09:26
-
Mero Baze: 700 cuba që duan t’u imponohen 700 mijë qytetarëve
26 Nëntor, 21:21
-
Protesta e PD-së, Kreshnik Çollaku për Report Tv: Ia arritëm qëllimit! Ja 3 rrugët për 'Qeverinë Teknike'
26 Nëntor, 19:42 -
DINAMIKA/ Çfarë dimë deri më tani për vrasjen e Martin Canit? Ende mungon ekspertiza e vdekjes! Shoku i autorit dërgohet në vendin e ngjarjes, tregon si nisi sherri
26 Nëntor, 18:19 -
Ekskluzive/ Një grusht militantësh në protestë, Report Tv sjell pamjet me dron! Ja pjesëmarrja në rrugën e Elbasanit dhe Bashkia e Tiranës
26 Nëntor, 17:21
Te njesia 8 ku jane lagjet me te vjetra te Tirones nuk duket asnje pune e investim.Mjafton te shofish rrugen Siri Kodra si me qene ne Kandahar,asnje rregullim.
Përgjigju