Turi me diasporën, Rithemelimi padi në SPAK për Ramën: 2 mln euro për takimet nga buxheti, detyroi administratën të marrë pjesë

Rithemelimi ka depozituar një padi në SPAK ndaj kryeministrit Edi Rama lidhur me turin që ka ndërmarrë për takimet me emigrantët e diasporës. Sekretari për diasporën Indrit Hoxha, tha në një deklaratë për mediat se Rama po harxhon mbi 2 mln euro nga buxheti i shtetit për realizimin e këtij turi.

Hoxha tha se nuk kanë detyrim shqiptarët që të paguajnë nga xhepi i tyre për takimet e kryesocialisti Rama, ndërsa akuzoi këtë të fundit se ka detyruar administratën që të marrë pjesë në takimin në Athinë.

“Një emision investigativ ka nxjerrë me zë dhe figurë titullarë dhe drejtues të institucioneve të ndryshme në Shqipëri të cilët kanë mbushur furgonat autobusat kanë detyruar administratën të shkojë në takimin e kryeministrit në Athinë. Kjo është një gjë e patolerueshme për opozitën shqiptare. Kryeministri nuk mund të vazhdojë të manipulojë vjedhë votat e shqiptarëve dhe atë që ka bërë në Shqipëri tashmë kërkon ta bëjë në diasporë. Të gjitha faktet tashmë janë në SPAK. Në ditët në vijim nga selia e PD ne do kemi deklarata ku do tregojmë çdo fakt tjetër që lidhet me këto lëvizje të kryeministrit dhe me abuzimin e taksave të shqiptarëve. Cilido që ka vendosur dorë mbi taksat e shqiptarëve do të japë llogari përpara drejtësisë.

LEXO EDHE:
Tentoi t’i japë fund jetës para SPAK, 63 -vjeçari rëndë në QSUT! Për kredinë 76 mijë lekë të reja i bllokuan shtëpinë, tokën, makinën e pagën! Prokuroria e Posaçme: Kërkoi takim me një hetues (VIDEO)

Shifrat kalojnë vlerën mbi 2 milionë eurove që kryeministri do të zhvillojë në të pestat takimet që kryeministri do të zhvillojë, në Athinë, Milano, Londër, Duseldorf për agjendën që ka paraqitur, por përveç vlerës ekonomike ka të bëjë me detyrimin e administratës publike i cili i organizon dhe i çon nëpër këto vende për të mbushur sallat e luksit nëpër këto takime show në cilësinë e Kryetarit të PS dhe jo të kryeministrit të vendit dhe nuk i kanë asnjë borxh qytetarët shqiptarë se përse duhet të paguajnë nga xhepi i tyre për këto vlera monetare Kryetarin e PS-së”, tha Vokshi në një deklaratë për mediat.

SI.E./Shqiptarja.com

TAG:
• edi rama
• spak
• Rithemelimi
• rama tur me diasporen