POP 5

Lajmet më të lexuara të 5 minutave të fundit

Ekonomi

‘Turizmi 2025’ me rregulla të reja për të goditur evazionin, hotelet kapacitet minimal të detyruar! Tatimet ‘në sitë’ deklarimet në booking dhe Airbnb

Sezoni turistik i vitit të ardhshëm do të zhvillohet me rregulla të reja, me fokus goditjen e informalitetit, pasi strukturat akomoduese nuk deklarojnë xhiron reale e numrin e pushuesve. Qeveria do tu caktojë hoteleve kapacitetin minimal të shfrytëzimit, ndërsa për të luftuar evazionin, Tatimet do shkëmbejnë informacion me Booking e AirBnB, që ti ballafaqojnë me deklarimet e bizneseve

Sezoni i ardhshëm turistik do të zhvillohet me rregulla të reja, më strikte, me qëllim goditjen e informalitetit.  Për shkak se edhe në kulmin e sezonit turistik strukturat akomoduese deklarojnë shfrytëzim të kapaciteteve deri në 60%, ndërkohë që në realitet janë të rezervuara 100%, Këshilli i Ministrave do të caktojë se sa do të jetë niveli minimal i kapacitetit të shfrytëzimit për një periudhë të caktuar. Pra një hotel që ka 100 dhoma, Këshilli i Ministrave do t’i vendosë një limit nën të cilin nuk mund të deklarojnë shfrytëzim

Kjo vendimmarrje që do të zbatohet prej vitit që vjen, ka si synim rritjen e të ardhurave në buxhet dhe të ulet nëndeklarimi nga bizneset për numrin e turistëve që akomodojnë dhe për xhiron e tyre. Në këtë mënyrë thotë Ministria e Financave në strategjinë afatmesme të të ardhurave rriten të ardhurat nga TVSH-ja, tatimi mbi fitimin që paguajnë njësitë akomoduese si dhe tatimi mbi të ardhurat personale nga qiradhënia afatshkurtër të individëve.

Pas caktimit të referencave të shfrytëzimit nga qeverisa, do të jetë Administrata Tatimore që do të nisë verifikimin për zbatimin e këtyre koeficienteve të shfrytëzimi, me qëllim llogaritjen e detyrimeve tatimore. Po ashtu për të luftuar informalitetin, institucionet vendase do të shkëmbejnë informacion edhe me platformat ndërkombëtare, Booking apo AirBNB mbi prenotimet që bëhet në këto platforma, për të kryqëzuar të dhënat mbi numrin real të prenotimeve me ato që deklarojnë strukturat.

Këto masa shtrënguese po ndërmerren për shkak se fshehja e numrit real të akomodimeve, ka ndikuar negativisht në të ardhurat e buxhetit qendror por edhe tek të ardhurat e pushtetit vendor, pasi për shkak të mosdeklarimit të xhiros reale nuk janë paguar taksat e plota. Në gjashtëmujorin e parë të këtij viti të ardhurat nga turizmi arritën vlerën 1.9 miliardë euro, në rritje 394 milionë euro në raport me të njëjtën periudhë të vitit të kaluar.

SHPENZIMET E TË HUAJVE NË VEND
Janar-Qershor 2023            1,554 mln euro
Janar-Qershor 2024            1,948 mln euro
Rritja                                   +394 mln euro

 

 

K.T./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Lajme të mira në punë...Çfarë parashikon horoskopi për ju sot

Lajme të mira në punë...Çfarë parashikon horoskopi për ju sot

26 Janar, 07:21