POP 5

Lajmet më të lexuara të 5 minutave të fundit

Ekonomi

Turizmi gjatë 9-mujorit del
me minus 41 mln euro

Për Qeverinë, turizmi është një nga pikat kyçe të zhvillimit ekonomik të vendit.
Turizmi gjatë 9-mujorit del<br />me minus 41 mln euro
TIRANE- Për Qeverinë, turizmi është një nga pikat kyçe të zhvillimit ekonomik të vendit. Ndërkohë që të dhënat tregojnë se duhet ende shumë punë për ta kthyer turizmin në një sektor efikas të ardhurash ekonomike. Gjatë këtij 9-mujori, rezultoi se të ardhurat neto të turizmit ishin minus 41 milionë euro. Këto shifra i bën të ditura Banka e Shqipërisë. Ajo që vlen të theksohet është fakti se për herë të parë që nga viti 2004, Shqipëria ka pasur të ardhura negative neto në sektorin e turizmit. E thënë ndryshe, kjo do të thotë se shqiptarët preferojnë gjithnjë të kalojnë pushimet e tyre jashtë vendit dhe se turistët e huaj nuk shpenzojnë shuma të mëdha këtu.

Të dhëna
Gjatë 3-mujorit të tretë, të ardhurat nga udhëtimet ose paratë që shpenzojnë të huajt në Shqipëri ranë me 18% krahasuar me të njëjtën periudhë në vitin 2012. Në vlerë monetare ato u ulën në 362 milionë euro. Ndërkaq, shpenzimet e shqiptarëve jashtë vendit, gjithmonë në kuadrin e turizmit, u rritën me 3%, ose ndryshe në vlerë monetare arritën shifrën 336 milionë euro. Në tërësi për këtë 9-mujori, bilanci neto i të ardhurave nga turizmi rezultoi të ishte minis 41 milionë euro. 
 
Zhvillimi
Në lidhje me zhvillimin e turizmit, pikësëpari nevojitet një infrastrukturë moderne. Ndërkohë, në Shqipëri ka nevojë edhe për të promovuar zonat turistike. Në kuadër të promovimit të turizmit, Ministria e turizmit, organizoi Panairin e Turizmit Malor. Aktivitetet të tilla duhet të jenë më të shpeshta.
 
Shkrimi u publikua sot (12.12.2013) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04