VIDEO/ Turqi,hidhen në erë 9 ndërtesa, shikoni shpërthimin e fuqishëm

Qyteti i Malatya, i vendosur afër kufirit lindor të Turqisë, regjistroi më shumë se 36,000 ndërtesa të dëmtuara, ku rreth 6,000 prej tyre u shkatërruan plotësisht, pas tërmetit që goditi rajonin dhe Sirinë në shkurt 2023. 

Malatya ndodhet në një zonë që i nënshtrohet lëkundjeve sizmike relativisht të shpeshta. Javën e kaluar, administrata e qytetit vendosi të kryejë prishjen e nëntë ndërtesave të tjera 15 katëshe të cilat ishin të dëmtuara rëndë, raporton La Reppubblica

Sipas Associated Press, pas tërmetit në shkurt, qyteti u përball me një tërmet tjetër në fund të të njëjtit muaj.

Në fillim të shtatorit, zona u godit sërish nga një tërmet me magnitudë 5.3 ballë. 4 vite më parë, Malatya ishte një nga provincat për të cilat presidenti i vendit, Recep Tayyip Erdogan, shpalli një amnisti ndërtesash.

Kjo amnisti u kishte lejuar autoriteteve të lëshonin leje për të vazhduar ndërtimin e shtëpive pavarësisht defekteve të konstatuara, me kusht që të paguanin një gjobë.