POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Barbun me lime e spec djegës dhe Supë peshku me perime e makarona

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Barbun me lime dhe spec djegës

Përbërësit:

8 fileto barbuni

lëngu i 1 lime

1 spec djegës i kuq

70 gr miell

4 lgj vaj ulliri

1 lgj kaperi

1 lgj majdanoz

1 lime në feta të holla

kripë+ piper i zi

Përgatitja:

Pudrosim lehtë duke i shkundur me miell filetot e barbunit. Ngrohim vajin në një tigan të thellë dhe vendosim filetot e barbunit për tu skuqur 3 minuta. I vendosim nga ana e lëkurës poshtë. Hedhim kripë dhe piper, i spërkatim me kaperi dhe majdanoz të grirë hollë.  Shtojmë specin e prerë në kuba të vegjël, lëngun e një lime dhe vazhdojmë gatimin për 5 minuta. Vendosim filetot në një pjatancë dhe i shoqërojmë në feta lime të holla. E shërbejmë peshkun të nxehtë.

Barbun me lime e spec djegës

Receta e dytë: Supë peshku me perime dhe makarona

Përbërësit:

500 gr peshk

1 qepë

2 thelpinj hudhër

1-2 karrota

2 degë selino

10 ml verë

2 domate

½ gotë makarona tub të vogla

1 lgj gjalp

2 lgj vaj ulliri

kripë+ piper i zi

dafinë

limon+ majdanoz

Përgatitja:

Lajmë peshkun e pastruar, e presim në copa dhe e vendosim në tenxhere me 1,5 l ujë dhe shtojmë disa kokrra piper të zi, gjysmë lëng limoni, pak kripë dhe 100 ml verë. E lëmë peshkun të ziejë deri sa tuli të shkëputet nga jalat.

Në një tenxhere shtojmë gjalp e vaj dhe kaurdisim qepën e grirë shumë imët. Shtojmë në tenxhere karrotat e prerë në kubikë të vegjël, selinonë dhe i trazojmë për 2 minuta. Shtojmë hudhrat e domatet e qëruara në kubikë të vegjël dhe i kaurdisim.

Kullojmë lëngun e peshkut dhe e shtojmë në tenxheren me perime. Shtojmë ujë, gjethe dafine dhe i lëmë të ziejnë për 5 minuta. Në fund shtojmë makaronat dhe i lëmë të ziejnë për 10 minuta.

Ndërkohë qërojmë peshkun nga halat dhe tulin e lëmë mënjanë. Copëtojmë tulin dhe në 2 minutat e fundit shtojmë peshkun në supë. Rregullojmë shijen me kripë, piper të zit ë zi e majdanoz she supa është gati për tu shërbyer.

Supë peshku me perime e makarona

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

24 Nëntor, 11:43