Receta e parë: Biskota me kakao
Përbërësit:
4 lugë gjelle kakao
1 filxhan çaji sheqer
1 filxhan kafe vaj bimor
2 vezë
6-8 lugë gjelle miell
Pluhur pjekës
Vanilje
1 gotë sheqer pluhur
Përgatitja:
Në një tas vendosim kakaon e sheqerin dhe i përziejmë.
Së bashku duke shtuar më vonë vajin, i trazojmë mirë deri sa të a formohet një masë e lidhur,shtrojmë fillimisht një vezë dhe fillojme të përziejmë me rrahësen e vezëve deri sa veza të përthithet nga përbërësit e tjerë. Shtojmë dhe vezën e dytë dhe vazhdojmë përzierjen deri sa të na formohet një masë më e butë. Shtojmë miellin e trazuar me pluhur pjekës dhe vanilje. I përziejmë mirë deri sa të na formohet një brumë i fortë. E vendosim në frigorifer për 20-30 minuta të mbuluar.
Më pas mbushim një lugë çaji, i japim formë rrumbullake, e pudrosim mirë me sheqer pluhur dhe i vendosim në tepsi ku kemi shtruar letër pjekje. E vëmë në furrë në temperaturën 200ºC për 10 minuta.
Biskota me kakao
Receta e dytë: Çervish me pulë dhe qumësht
Përbërësit:
800 gr mish pule
6 thelpinj hudhër
5-6 lugë gjelle miell (2 lugë miell misri+3 lugë miell gruri)
100 gr gjalp
3 lugë gjelle vaj ulliri
Kripë dhe piper i zi
500 ml qumësht
Ngrohim një lugë gjelle gjalp, një lugë gjelle vaj dhe skuqim copat e pulës. Sa të skuqen pak shtojmë thelpinjtë e hudhrës dhe i kaurdisim së bashku. Shtojmë ujin e valuar, kripë dhe e lëmë mishin e pulës të ziejë për 20 minuta.
Largojmë mishin nga tenxherja dhe kullojmë lëngun në kullesë rreth 500-600 ml lëng.Ndërkohë vendosim 2 lugë gjelle vaj ulliri, 2 lugë gjelle gjalp dhe kaurdisim miellin sa të zverdhet pak. E shuajmë me qumësht, e trazojmë dhe më pas shtojmë lëngun e pulës duke e trazuar vazhdimisht me qëllim që të bëhet një masë kremoze, në pamje si një mualebi (kosistencën e rregullojmë sipas shijes tuaj). Sa të marrë valë, e largojmë. Vendosim copat e mishit në tepsi dhe e mbulojmë me çervish.
Shkrijmë gjalpin e mbetur dhe spërkatim sipër çervishin. E vendosim në furrë për 10-15 minuta dhe e shërbejmë të ngrohtë.