X

POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Bukë e ëmbël me gjalp e bajame dhe Fileto pule me qepë të njoma

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Bukë e ëmbël me gjalp dhe bajame

Përbërësit:

250 gr qumësht (i vakët)

1 kub maja e freskët

50 gr sheqer

1 pako sheqer vanilje

500gr miell

1 vezë

100 gr gjalp

Për shtresën e sipërme:

150 gr gjalp

125 gr sheqer

1 pako vanilje

150 gr bajame

Përgatitja:

Në një tas të madh shtojmë qumështin e vakët, 1 kub maja të freskët dhe e tresim në qumësht. Shtojmë 50 gr sheqer, i trazojmë së bashku, shtojmë miellin, pak kripë, 1 vezë të plotë, 100 gr gjalp të butë ambienti. Të gjithë këta përbërës i përziejmë së bashku duke formuar një brumë të butë. E mbulojmë brumin dhe e lëmë të pushojë për 1 orë. Pasi të kalojë kjo kohë spërkatim tryezën me pak miell dhe punojmë lehtë brumin. Vendosim një letër pjekje në tepsi dhe hapim brumin duke e niveluar atë në të gjithë tepsinë. Lyejmë sipërfaqen e brumit sipër me një shtresë gjalpi të butë. Trazojmë sheqerin me sheqer vanilje dhe e shpërndajmë mbi gjalp, gjë që do të bëjë që sheqeri të ngjitet në gjalp. E mbulojmë tepsinë dhe e lëmë të pushojë 15 minuta. Më pas vendosim tepsinë në furrën e parangrohur 200ºC për 20 minuta.

Bukë e ëmbël me gjalp dhe bajame

Receta e dytë: Fileto pule me qepë të njoma

Përbërësit:

500 gr fileto pule

1 lç xhinxher të grirë

1 thelpi hudhër

1 ½ lime

1lç niseshte

2 lgj salcë soje

1 gotë lëng pule

1 tufë qepë e njomë

Kripë

Përgatitja:

Fillimisht qërojmë xhinxhërën nga lëkura dhe e grijmë hollë në rende. Hudhrën e presim shumë imët. Lajmë mirë limonat jeshil, grijmë hollë lëkurën e njërit limon (rreth një lugë çaji) dhe më pas shtrydhim 1 ½ lëng limoni.
Përziejmë në një tas 1 lugë çaji niseshte me 5 lugë lëng limoni jeshil, xhinxhër, hudhrën e coptuar dhe lëkurën e limonit.
Lajmë mirë mishin e pulës, e presim në kubikë me brinjë 2 cm dhe më pas copat e filetot të pulës i vendosim në tasin ku përgatitëm marinadën. I trazojmë dhe pasi ti mbulojmë i vendosim në frigorifer për 20 minuta.
Në një tigan të thellë ngrohim 3 lugë vaj ulliri, shtojmë qepët të prera në unaza dhe i kaurdisim për 2-3 minuta dhe menjëherë shtojmë copat e pulës me gjithë marinadën. I kaurdisim pak filetot e pulës dhe më pas i shuajmë me koncentratin e pulës. Vendosim kapakun dhe e lemë gatimin të ziejë në temperaturë të ulët për 10 minuta. E rregullojmë me kripë dhe nëse duhet shtojmë dhe pak lëng limoni dhe e servirim me pak oriz.

Fileto pule me qepë të njoma

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

I dënuar për trafik të paligjshëm të emigrantëve, arrestohet 24-vjeçari në Rinas (EMRI)

I dënuar për trafik të paligjshëm të emigrantëve, arrestohet 24-vjeçari në Rinas (EMRI)

18 Prill, 15:34