POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Byrek me peta të pjekura dhe Patëllxhana me djath

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

Përbërësit:

1 pako petë të pjekura

4-5 kokrra vezë

150 gr gjalp (1 filxhan çaji)

1 lugë qumësht

Pak kripë

Përgatitja :

Rrahim vezët dhe shtojmë në të gjalpin ( mund të bashkojmë edhe ½ filxhan gjalp të shkrirë me ½ vaj). Rrahim vezët duke shtuar në to qumështin dhe pak kripë.

Nëse petët do të bëhen vetë dhe të piqen, ruajmë 4 petë të buta për të shtuar 2 në fillim dhe 2 në fund, por mund të gatuhet edhe pa to.

Lyejmë tepsinë me yndyrë dhe vendosim 2 petë. Fllimisht i spërkatim ato mirë me qumështin e përzier me vezë dhe gjalp. Vendosim përsëri 2 petë dhe i spërkatim përsëri mirë me qumësht. (1 e ½ garuzhde), por mund edhe të zhyten direkt në tasin me qumësht e më pas i vendosim në tepsi. Kështu vazhdojmë deri sa të mbarojnë petët. Nëse tepron qumësht, e hedhim sipër byrekut. E lëmë atë 10- 15 minuta deri sa pitet të përthithin të gjithë qumështin. Vendosim tepsinë në furrë në temperaturën 190-200ºC për 30 minuta. Më pas e ftohim pak dhe e shërbejmë.

Receta e dytë : Patëllxhanë me djath

Përbërësit:

2 patëllxhanë

150 gr djath i bardhë

2 lugë gjelle miell

2 kokrra vezë

3 lugë gjelle peksimadhe

Vaj bimor për skuqje

Kripë

Përgatitja :

Lajmë thajmë patëllxhanët dhe i presim ata në feta të gjata me trashësi 0,5 mm.

I skuqim fetët e patëllxhanit lehtë .Sa të shohim që të zbuten pak i largojmë nga tigani dhe i spërkatim me pak kripë.

Presim djathin në drejtkëndësha me gjerësinë e fetëve të patëllxhanit.

Vendosim në anë të patëllxhanit një copë djath dhe e mbështjellim atë role me fetën e patëllxhanit. Vendosim një pjatë me miell, një pjatë me vezë të rrahura dhe 1 pjatë me peksimadhe.

Kalojmë roletë me patëllxhan dhe djath fillimisht në miell, më pas në pjatën me vezë dhe në fund e pudrosim me peksimadhe.

Ngrohim vajin dhe i skuqim roletë me patëllxhan deri sat ë marrin një ngjyrë të verdhë. I lëmë të ftohen pak dhe i shërbejmë me sallatën që dëshirojmë.

Ju bëftë mirë!

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

‘Mos lejojmë askënd të na e ul flamurin’, Rama: Ta rreshtojnë në oborrin e shtëpisë së familjes së bashkuar europiane

‘Mos lejojmë askënd të na e ul flamurin’, Rama: Ta rreshtojnë në oborrin e shtëpisë së familjes së bashkuar europiane

24 Nëntor, 14:47