POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Byrekë me patëllxhanë, domate e djathë dhe Supë me bajame

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Byrekë me patëllxhanë,  domate dhe djathë

Përbërësit:

1 pako peta

1 qepë e madhe

2 thelpinj hudhër

4 patëllxhanë

2 domate

100 ml verë

Kripë dhe piper i zi

1 lk kumin

15gr djathë

Për spërkatje

100 ml vaj

1 gotë qumësht

2 kokrra vezë

Përgatitja:

Vendosim tiganin dhe 2 lugë gjelle vaj ulliri. Kaurdisim qepën deri sa të bëhet transparente. Shtojmë patëllxhanët të prerë në kubikë të vegjël 0,5 cm. Shtojmë hudhrat e grira hollë dhe i trazojmë për 2-3 minuta  shtojmë domatet e pastrura  nga  farat  dhe i presim në kubik të vegjël.  I trazojmë mirë dhe i shuajmë me verë të bardhë  dhe e lëmë deri sa  të avullojë alkooli. Shtojmë kripë , piper të zi, pak kumin, borzilok . largojmë tiganin nga zjarri dhe e lëmë të ftohet pak në fund. Shtojmë në fund djathin e thërrmuar.

Byrekut me patëllxhanë mund  ti japim formën që dëshirojmë. Mund ta bëjmë role, mund ti bëjmë trekëndësha ose thjesht shtrojmë 2 peta në tepsinë e lyer me yndyrë dhe pasi të kemi trazuar vezët me vaj e qumësht spërkatim petët në çdo dy petë. Pasi të kemi shtruar poshtë 6 petë shtrojmë mbushjen dhe i mbulojmë me petët e mbetura (4-5 petë), duke i spërkatur përsëri në çdo dy petë. Në fund spërkatim sipër, kryesisht anët. I mbledhim ato dhe vendosim tepsinë në furrën e parangrohur 190º-200º C dhe e lëmë byrekun të piqet për 25-30 minuta.

Byreke me patëllxhanë, domate e djathë

Receta e dytë: Supë me pulë dhe bajame

Përbërësit:

400 gr mish pule mix

1 lgj vaj ulliri

2 lgj gjalp

300 ml qumësht

1 l lëng pule

100 gr bajame

2 të verdha veze

1/2 limon

Kripë dhe piper i zi

Majdanoz

Përgatitja:

Presim pulën në copa dhe e kaurdisim për 5 minuta me 1 lugë gjelle vaj dhe 1 lugë gjelle gjalp. Shtojmë 1 litër ujë dhe I lëmë copat e pulës të ziejnë.

Pasi mishi të ketë zier largojmë copat e pulës dhe i copëtojmë në copëza të vogla ( pa lëkurë) kullojmë lëngun dhe e lëmë mënjanë. Vendosim tenxheren me gjalp dhe kaurdisim miellin deri sat ë zverdhet pak. E shuajmë me qumësht dhe shtojmë lëngun e pulës duke e trazuar vazhdimisht me tel vezësh. Më pas shtojmë gjysmat e bajameve të thërrmuara, kripë, piper të zi dhe vazhdojmë zierjen e pulës deri sa lëngu të trashet. E largojmë nga zjarri dhe e trazojmë që të bjerë vala. Trazojmë 2 të verdha veze, lëngun e limonit dhe shtojmë nga supa në vezë 1 garuzhde dhe e trazojmë.bashkojmë vezën me supën në tenxhere duke e trazuar lehtë me tel vezësh. Vendosim tenxheren në zjarr sat ë marrë valë dhe e largojmë nga zjarri. E shërbejmë të ngrohtë duke e spërkatur me pak majdanoz, bajame të pjekura dhe të spërkatura me 1 lugë çaji gjalp të shkrirë.

Supë me bajame

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54