POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Fileto gici e patate furre me mustardë dhe Sallatë me panxhar e rukola

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Fileto gici dhe patate me mustardë

Përbërësit:

600-800 gr fileto gici

2 thelpi hudhër

kripë+piper të zi

rozmarinë e freskët

70 ml konjak ose verë e kuqe

vaj ulliri

1lgj gjalp

1 kg patate

2 gj mustardë

Përgatitja:

Ngrohim furrën në temperaturën 180ºC. në një tas vendosim 2 lugë gjelle vaj ulliri, kripë e piper të shtypur në cast, 2 thelpinj hudhër të shtypur mirë dhe i përziejmë. Në këtë salcë marinojmë mishin.

Ndërkohë patatet i kemi qëruar dhe prerë në kubikë. Vendosim një tenxhere me ujë të valuar dhe i ziejmë patatet për 3-4 minuta. I kullojmë dhe i vendosim në një tas. Përziejmë veç në një tas tjetër 3 lugë gjelle vaj ulliri me 2-3 lugë gjelle mustardë. Shtojmë tek patatet kripë dhe mustardë të trazuar me vaj, rigon ose rozmarinë dhe i vendosim në furrë në temperaturën 180ºC

Ndërkohë në një tigan me pak vaj dhe gjalp kalojmë fileton e pulës duke i dhënë një ngjyrë nga të gjitha anët. E shuajmë me konjak dhe e lëmë të avullojë. Më pas e vendosim në mes të patateve dhe e vendosim në furrë duke e ulur temperaturë në 175ºC për sa kohë të gatuhet rreth 30-40 minuta.

 Fileto gici e patate furre me mustardë

Receta e dytë: Sallatë me panxhar dhe rukola

Përbërësit:

3-4 panxhar

1 tufë e vogël rukole

Parmixhan

½ limon

Salca

1 ½ uthull balsamike

3 lgj vaj ulliri

½ hudhër e shtypur

Kripë

Përgatitja:

Shpëlajmë panxharin dhe e vendosim atë për të zier me ½ limon për 25 minuta(aldente). E vendosim në ujë të ftohtë me akull që të ftohet. Pasi të ketë rënë temperatura e qërojmë dhe e presim në feta rrumbullake duke i vendosur ato si bazë në një pjatë. Në qendër të pjatës vendosim një grusht rukola e mbi të, vendosim feta të holla parmixhani.Në një tas vendosim uthullën balsamike, pak hudhër, kripë, vaj ulliri, i përziejmë mirë dhe marinojmë sallatën e më pas e shërbejmë.

Sallatë me panxhar e rukola

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

24 Nëntor, 11:43