POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Frikase me mish qingji dhe Tiramisu me luleshtrydhe

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Frikase me mish qingji

Përbërësit:

500 gr mish qingji

2 lgj gjalp

3 qepë të njoma

2 karrota

2-3 patate

1 degë selino

2 lgj miell

2 gota qumësht

2 të verdha veze

1 limon

kripë dhe piper i zi

1 tufë kopër

Përgatitja:

Vendosim pak gjalp në tenxhere dhe kaurdisim mishin të prerë në racione deri sat ë ndryshojë ngjyrë. Shtojmë në tenxhere ujë të nxehtë deri sat ë mbulohet mishi dhe 4-56 kokrra piper të zi e kripë dhe më pas  e lëmë të ziejë në temperaturë mesatare. Pasi të kalojnë 30 minuta që mishi është duke u zier ( pra nuk është zier plotësisht) shtojmë perimet, qepën e prerë në unaza ( vetëm pjesën e bardhë të saj) karrotën dhe patatet të prera në kubikë. Shtojmë edhe selinonë e prerë në copëza si dhe 2 degë kopër të grirë hollë.

Vendosim kapakun dhe e lëmë mishin e perimet të ziejnë për 15 minuta, në mënyrë që të ziejnë plotësisht.

Në një tenxhere tjetër shkrijmë gjalpin e mbetur, kaurdisim miellin me gjalp deri sa ai të mos marrë ngjyrë dhe e shuajmë me qumësht duke shtuar gradualisht edhe lëng mishi. E përziejmë mirë së bashku me mishin dhe pasi të marrë valë për 2-3 minuta e largojmë nga zjarri.

Rrahim 2 të verdha veze, lëng limoni dhe e presim frikasenë. Shrojmë kopër e përziejmë dhe vendosim kapakun në mënyrë që frikaseja të mpikset por nuk e vëmë më në zjarr për të valuar.

Frikase me mish qingji

Receta e dytë: Tiramisu me luleshtrydhe

Përbërësit:

200 gr biskota savojard

400 ml pana ëmbëlsire

250 gr mascarpone

300 gr luleshtrydhe

300 ml lëng portokalli

2 lgj sheqer

4 lgj sheqer pluhur

Vanilje

Dekori

200 gr luleshtrydhe

Gjethe mente

Përgatitja:

Fillimisht 300 gr luleshtrydhe të pastruara i presim në kubikë të vegjël, i trazojmë me 2 lugë gjelle sheqer dhe shtojmë në të 300 ml lëng portokalli. I trazojmë mirë, i mbulojmë dhe i lëmë në frigorifer për 30 minuta.

Panën e ftohtë e vendosim në tas. Shtojmë në të vanilje, 4 lugë gjelle sheqer pluhur, mascarpone dhe i përziejmë së bashku. Me ndihmën e një site largojmë gjysmat e luleshtrydheve të prera në kubikë dhe gjysmën tjetër e kalojmë në blender dore duke e kthyer në krem së bashku me lëngun e portokallit. Në një tepsi vendosim si bazë 2-3 lugë gjelle krem. E hapim gjithë sipërfaqen e më pas lyejmë biskotat me lëngun e luleshtrydheve dhe portokallit dhe mbulojmë gjithë sipërfaqen e tavës. Shtrojmë një shtresë me krem. Shpërndajmë kubikë me luleshtrydhe dhe përsëri një shtresë me biskota të lagura. Mbulojmë biskotat me krem dhe në fund zbukurojmë sipërfaqen me feta luleshtrydheje dhe gjethe mente. E vendosim tiramisunë për 2-3 orë në frigorifer dhe më pas e shërbejmë.

Tiramisu me luleshtrydhe

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

24 Nëntor, 11:21