POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Japrakë me lakër turshi dhe Tiramisu

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

Receta e parë: Japrakë me lakër turshi

Përbërësit:

1 lakër(turshi)

500 gr mish i grirë

2 kokrra qepë

2 thelpinj hudhër

2 fk oriz

1 lç piper i kuq

Kripë dhe piper i zi

5-6 lgj vaj ulliri

Përgatitja:

Fillimisht pastrojmë gjethet e lakrës nga kërcelli, i shpëlajmë me ujë dhe i lemë mënjëanë.

Qepën e presim në kubikë të vegjël dhe së bashku me hudhrën e kaurdisim sa të zbutet pak me një lugë vaj ulliri. Në një tas vendosim mishin e grirë, shtojmë në të qepën e kaurdisur, orizin, kripën, piperin e kuq dhe piperin e zi. I përziejmë mirë dhe fillojmë të mbushim gjethet e lakrës turshi. Vendosim në tryezën e punës një gjethe lakër mesatare, vemë një lugë gjelle kimë në qendër dhe fillimisht kthejmë anët dhe më pas e mbështjellim role.

Në një tenxhere grijmë 2-3 gjethe lakër dhe mbi to vendosim me rradhë japraket duke mos i lenë ato të lira. Pasi ti kemi përfunduar i spërkasim me 3 lugë vaj ulliri dhe më pas i nbulojmë me ujë të nxehtë. Vendosim një pjate mbi japraket për ti fiksuar mirë, e mbulojmë tenxheren me kapak dhe i lemë japrakët të ziejnë në temperature mesatare për 50 minuta.

Receta e dytë: Tiramisu

Përbërësit:

4 kokrra vezë

100 gr sheqer

500 gr maskarpone

300 ml kafe e përgatitur(lëng)

300 gr biskota

Kakao

Përgatitja:

Fillimisht ndajmë në dy tasa të verdhat nga të bardhat e vezëve dhe i vendosim veç e veç në tasa. Tek të verdhat e vezëve hedhim 50 gr sheqer duke i rrahur së bashku derisa të verdhat e vezëve të rrisin volumin dhe sheqeri të shkrijë. Shtojmë më pas pak nga pak maskarponen duke e trazuar vazhdimisht me rrahësen e vezëve.

Më pas rrahim të bardhat e vezëve me sheqer derisa të bëhet një marengë e fortë. E bashkojmë më pas marengën duke e shtuar pak nga pak në tasin me të verdhat e vezëve të rrahura me maskarponen. E përziejmë mirë me spatul ose lugë druri derisa kremi të jetë njësuar plotësisht.

Përgatisim kafenë duke e ëmbëlsuar atë sipas shijes dhe e vendosim në një tas të thellë dhe e lemë të ftohet.

Në një tavë ku do të përgatisim tiramisunë fillimisht shtrojmë një bazë me kremin e përgatitur më pas lagim biskotat me kafe dhe i vendosim njëra pas tjetrës mbi bazën e kremit. Mbulojmë biskotat me një shtresë të trashë kremi. Vendosim përsëri një shtresë të dytë me biskota të lyera me kafe. I mbulojmë përsëri biskotat me një shtresë të trashë kremi. Në fund e pudrosim me kakao të gjithë sipërfaqen e kremit dhe e vendosim tiramisunë në frigorifer për disa orë që të ngurtësohet.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Rusia anashkalon sanksionet perëndimore, fillon përdorimin e Bitcoin në tregtinë ndërkombëtare

Rusia anashkalon sanksionet perëndimore, fillon përdorimin e Bitcoin në tregtinë ndërkombëtare

26 Dhjetor, 17:14