POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Kek i mbushur me arrë kokosi dhe Fileto pule me salcë e brokoli

Në këtë hapësirë të faqes tonë do të gjeni mënyrën e përgatitjes së recetave  të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

Përbërësit:

Mbushja:

2 të bardha veze

1 gotë sheqer pluhur

2 gota arrë kokosi

Brumi:

3 kokrra vezë

1 e ½ gotë sheqer

Pak kripë

¾ gotë vaj

¾ gotë kola

3 gota miell

1 lugë çaji pluhur pjekës

Përgatitja:

Vendosim të bardhat e vezëve në një tas dhe i rrahim me rrahësen e vezëve deri sat ë bëhet marengë e fortë. Shtojmë sheqerin, e përziejmë me tel dore dhe më pas shtojmë arrën e kokosit. I përziejmë të gjitha bashkë. Lagim duart me ujë dhe formojmë rreth 10 -12 sfera sa një top ping pongu.

Në një tas tjetër rrahim 3 vezë, shtojmë sheqerin dhe i rrahim deri sa sheqeri të shkrijë. Shtojmë pak kripë, vajin dhe vazhdojmë të trazojmë mirë. Shtojmë në fund kola dhe vazhdojmë trazimin.

Përziejmë në një tas miell, pluhur pjekës, kakao dhe me ndihmën e një site i shtojmë tek tasi me produktet e lëngshme. I përziejmë mirë deri sa të formohet një brumë i lidhur jo shumë i trashë, por q ëtë bjerë lirshëm nga luga.

Lyejëm tavën me gjalp dhe kakao dhe shtojmë në të një shtresë brumi. Vendosim sferat me kokos rreth e qark në mes të tavës. Shtojmë pjesën tjetër të brumit duke mbuluar sferat me kokos.

Vendosim tavën në furrë në temperaturë 170ºC për 55-60 minuta. Pasi e nxjerrim nga furra e lëmë të pushojë 20 minuta dhe më pas e shërbejmë.

Receta e dytë: Fileto pule me salcë dhe brokoli

Përbërësit:

300 gr fileto pule

300 gr brokoli

1 lugë gjelle miell

1/2 gotë verë të bardhë

125 gr pana

50 gr krem djathi

Kripë dhe piper

Vaj ulliri

Përgatitja:

Vendosim në zjarr një tenxhere me ujë për të valuar. Rrahim filetot e pulës lehtë me çekiç dhe më pas i presim në shirita ose i lëmë në feta sipas dëshirës.

Marinojmë mishin me kripë dhe piper të zi dhe e pudrosim lehtë me miell. Ngrohim 2 lugë gjelle miell dhe skuqim mishin nga të dy anët, deri sa mishit ë shkëputet nga tigani. E shuajmë më verë të bardhë dhe e lëmë verën deri sa të avullojë alkooli. Shtojmë panën dhe e përziejmë duke shtuar kremin e djathit.

Gjatë kohës që skuqim mishin vendosim brokolin në ujë të valuar për të zier 3-4 minuta. E kullojmë atë dhe në fund e shtojmë tek tigani me mish dhe salcë. Rregullojmë shijen për kripë dhe piper dhe e servirim.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Ata ishin 2 autorë!' Policia do të rimarrë në pyetje babain e shokut të Martinit: I dyti ka pasur thikë më të vogël

'Ata ishin 2 autorë!' Policia do të rimarrë në pyetje babain e shokut të Martinit: I dyti ka pasur thikë më të vogël

24 Nëntor, 12:44