POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Krepa me spinaq e vezë dhe Rizoto me bizele e pançetë

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Krepa të mbushur me spinaq dhe vezë

Përbërësit:

Krepat

225 miell

½ lk kripë

3 kokrra vezë

20 gr gjalp

500 ml qumësht

Mbushja

800 gr spinaq

Kopër + majdanoz

Kripë  + arrëmoskat

3 lgj vaj ulliri

100 gr djath i bardhë

1 vezë për çdo krep

Krepat:

Në një tas vendosim miellin, kripën, vezët dhe gjalpin e tretur, qumështin dhe i trazojmë mirë. Pasi e mbulojmë tasin me celefon e vendosim të paktën për 1 orë në frigorifer.

Pasi të pushojë brumi lyejmë tiganin fare pak me gjalp dhe shtojmë në tigan një garuzhde krem krepash, e më pas i pjekim për 30 sekonda nga çdo anë.

Mbushja:

Spinaqin të larë dhe të kulluar e grijmë dhe e vendosim në një tas. Shtojmë në të majdanoz, kopër, pak kripë dhe e shtypim lehtësisht me dorë. Shtojmë arrën moskat, djathin e thërrmuar, vaj ulliri dhe i trazojmë me lugë druri.

Lyejmë një tavë me pak vaj.në një pjatë vendosim 1 krep. Përhapim mbi të spinaq, mbledhim fillimisht anët e më pas e bëjmë role. E vendosim në tavë me mbylljen nga poshtë dhe në këtë mënyrë cvazhdojmë edhe me krepat e tjerë.

Bëjmë 1 prerje për çdo krep të mbështjellë dhe në të vendosim nga 1 vezë ose të verdhë veze ( si të dëshironi). E vendosim në furrë për 15-18 minuta, si ta dëshironi pjekjen e vezëve dhe më pas e shërbejmë.

Krepa të mbushur me spinaq dhe vezë

Receta e dytë: Rizoto me bizele dhe pancetë

Përbërësit:

360 gr oriz

100 gr pancetë

250 gr bizele

1 litër lëng perimesh

1 lgj gjalp

2 lgj vaj ulliri

1/2 qepë e kuqe

Kripë

Përgatitja:

Fillimisht presim pançetën në shirita ose kubikë të vegjël dhe e kaurdisim atë me 1 lugë gjelle vaj ulliri deri sa ajo të marrë ngjyrë të kuqerremtë dhe të bëhet krokante. E largojmë dhe e lëmë mënjanë.

Në po atë tigan kaurdisim qepën të prerë në kubikë të vegjël deri sa të zbutet mirë. Shtojmë tek qepa gjysmën e bizeleve dhe i kaurdisim së bashku për 1 minutë, duke shtuar në tigan 1 garuzhde me lëng perimesh, kripë dhe e lëmë qepën e bizelet të ziejnë për 5 minuta.

Në një tigan të thellë vendosim gjysmën e gjalpit , 1 lugë gjelle vaj ulliri dhe sapo gjalpi të shkrijë shtojmë orizin dhe e kaurdisim atë mirë. Sa të fillojë të zverdhet pak shtojmë tek orizi lëng perimesh deri sa e mbulojmë dhe e lëmë të ziejë në temperaturë mesatare jo shumë të lartë.

Ndërkohë kalojmë bizelet në blender dhe i kthejmë në krem. Trazojmë orizin ngadalë dhe e lëmë lëngun e perimeve deri sat ë përthithet komplet nga orizi. Shtojmë kremin e bizeleve dhe e lëmë të ziejë , të përthithet nga orizi duke shtuar përsëri lëng perimesh.  Shtojmë dhe gjysmën e bizeleve dhe i lëmë deri sa të përthithet lëngu. Shtojmë gjysmën e pançetës, e përziejmë dhe në fund shtojmë gjysmën e gjalpit të mbetur. Përziejmë  lehtë dhe servirim rizoton duke vendosur mbi të përsëri pak pançetë krokante.

Rizoto me bizele dhe pançetë

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06