POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Kulaç me ullinj dhe mëlçi pule me presh

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Kulaç me ullinj

Përbërësit:

2 vezë

1 gotë kos

2 fk vaj

2 gota e gjysmë miell

1 pako pluhur pjekës

Kripë+ pak rigon

1 fç ullinj

100 gr djath

Susam

Përgatitja:

Në një tas rrahim vezët me kos e vaj dhe i përziejmë mirë njëra pas tjetrës në një interval kohe 2-3 minuta. Shtojmë miell, pluhur pjekës dhe vazhdojmë përzierjen duke shtuar edhe pak kripë e pak rigon.

Heqim bërthamamt e ullinjve dhe i presim ata në gjysma vertikalisht, në pas i shtojmë së bashku me djathin. Lyejmë tavën me pak yndyrë e peksimadhe. Shtojmë brumin e spërkatur me susam dhe e vendosim në furrë në temperaturën 200ºc për 30 minuta.

Kulaç me ullinj

Receta e dytë: Mëlçi pule me presh

Përbërësit

400 gr mëlçi pule

300 gr presh

100 ml verë të bardhë

200 ml lëng pule

1 qepë e vogël

40 gr gjalp

2 lgj vaj ulliri

Kripë dhe piper i zi

Makarona sipas dëshirës

Përgatitja:

Fillimisht pastrojmë mëlçitë, i thajmë ato dhe i presim në copa të vogla. Preshët (kryesisht pjesën pa bishta) i presim në unaza të holla.

Në një tigan shkrijmë 1/3 e gjalpit, 1 lugë gjelle vaj ulliri dhe kaurdisim preshët deri sa ato të zbuten plotësisht. Herë pas here i zbutim me pak lëng pule dhe duke i mbuluar me kapak. Rregullojmë shijen me pak kripë.

Në një tigan tjetër shtojmë gjysmën e gjalpit të mbetur, 1 lugë gjelle vaj ulliri dhe kaurdisim qepën e vogël të grirë shumë hollë. Sapo qepa të bëhet transparente shtojmë mëlçitë e pulës dhe i kaurdisim së bashku deri san ë tigan të mos ketë më lëng. Shtojmë edhe kripë e piper. I shuajmë me verë të bardhë dhe e lëmë deri sa ajo të avullojë plotësisht. Bashkojmë mëlçitë me preshin e gatuar dhe i trazojmë lehtë së bashku. Vendosim tiganin ku skuqëm mëlçitë në nxehtësi. Hedhim pak lëng pule, 1-3 e lëngut të mbetur dhe e lëmë të marrë valë. Salcën e shtojmë mbi mëlçitë me presh dhe i shërbejmë me bukë të thekur ose me pak makarona nën të.

Mëlçi me presh

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

24 Nëntor, 11:43