POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Kulaç me arra e djathë dhe Kaponata me patëllxhanë

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Kulaç me arra dhe djathë

Përbërësit:

100 gr. kos

2 vezë

80 gr. gjalp

250 ml. qumësht

450-500 gr. miell

Pluhur pjekës

Kripë

80 gr. arra

150 gr. djathë

Përgatitja:

Në një tas rrahim vezët shtojmë kosin, gjalpin e shkrirë, qumështin dhe i përziejmë të gjithë duke shtuar miellin e trazuar me pak pluhur pjekës. Shtojmë pak kripë dhe copëtojmë trashë me thikë arrat dhe i shtojmë në brum. Shtojmë djathin e copëtuar në kubikë të vegjël ose të thërrmuar dhe i bashkojmë mirë me brumin.

Lyejmë tavën me gjalp dhe hedhim brumin në të dhe e nivelojmë mirë. Nëse kemi përdorur maja birre duhet ta lëmë brumin që të vijë për 1 orë. Vendosim kulaçin në furrë për ta pjekur në temperaturë 170ºC për 40 minuta.

Kulaç me arra dhe djathë

Receta e dytë: Kaponata me patëllxhanë

Përbërësit:

800 gr. patëllxhanë

150 gr. qepë

300 gr. selino

100 gr. ullinj jeshil

40 gr. stika pishe

1 lgj. kaperi

400 gr. domate

Kripë dhe piper i zi

Borzilok

1 lgj. sheqer

2-3 lgj. uthull të bardhë

Përgatitja:

Lajmë patëllxhanët dhe i presim në kubikë 2 cm. I vendosim në ujë me kripë dhe i lëmë 20 minuta, më pas i shpëlajmë dhe i thajmë. Ngrohim vajin dhe I skuqim duke larguar nga tigani. Pasi të jenë zverdhur, i vendosim në letër kuzhine për të larguar yndyrën e tepërt.

Në një tigan të thellë kaurdisim në vaj ulliri qepën e prerë në shirita. Sapo qepa të zbutet shtojmë selinonë të cilën e kemi pastruar mirë nga fijet dhe të prera në copa me trashësi 0,5. I kaurdisim, shtojmë ullinjtë, stikat e pishës, domatet e qëruara dhe të larguara farat, të prera në kubikë. Shtojmë kripë e piper të zi. Vendosim kapakun dhe e lëmë salcën të ziejë për 10 minuta. Në fund shtojmë patëllxhanët e skuqur dhe i përziejmë së bashku me salcën. Shtojmë borzilok, një lugë gjelle sheqer, 2-3 lugë gjelle uthull të bardhë. i japim një valë dhe shërbejmë kaponatën.

Kaponata me patëllxhanë

 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Hetimet e SPAK mbi Kadastrën, arrestohen dy persona për ushtrim të ndikimit të paligjshëm

Hetimet e SPAK mbi Kadastrën, arrestohen dy persona për ushtrim të ndikimit të paligjshëm

26 Prill, 22:49