POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Kunguj të pjekur mbushur me rikota dhe Rizoto me kërpudha

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Kunguj të pjekur mbushur me rikota

Përbërësit:

1 kg kunguj

300 gr rikota

30 gr parmixhan

50 gr fara luledielli

2 lgj majdanoz i grirë

kripë

4 lgj vaj ulliri

Përgatitja:

Lajmë kungujt me ujë të bollshëm dhe presim ekstremet e tyre. Vendosim një tenxhere me ujë të valuar. Shtojmë 1 lugë kafe kripë dhe vendosim kungujt e plotë për të zier vetëm 3 minuta. Në një tas vendosim rikotën, majdanozin e grirë hollë, parmixhanin e grirë hollë dhe i trazojmë bashkë me rikotën e  majdanozin. Shtojmë pak kripë dhe 2 lugë gjelle vaj ulliri. Kullojmë kungujt dhe i shpëlajmë me ujë të ftohtë. I presim në mes për së gjati dhe largojmë pjesën e brendshme duke i dhënë formën e një varke. Pjesën e brendshme të kungullit e presim në kubikë të vegjël dhe e përziejmë me rikotën. Kalojmë farat e lulediellit në një tigan pa yndyrë dhe e përziejmë me rikotën. Mbushim kungujt me ndihmën e një luge çaji. I vëmë në tepsi, i spërkatim në fund me pak vaj dhe vendosim në furrë në temperaturën 180ºC për 40-45 minuta.

Kunguj të pjekur mbushur me rikota

Receta e dytë: Rizoto me kërpudha

Përbërësit:

400 gr kërpudha

320 gr oriz (për rizoto)

1 qepë e vogël

2 thelpinj hudhër

40 gr gjalp

½ gotë verë të bardhë

kripë+ piper i zi

vaj ulliri

40 gr parmixhan i grirë

1.5 lëng perimesh

Përgatitja:

Vendosim një tigan me 3 lugë gjelle vaj ulliri, 2 thelpinj hudhër dhe sapo hudhrat të skuqen pak shtojmë kërpudhat e prera në copëza të vogla dhe i kaurdisim deri sa ato të ulin volumin e të zverdhen pak. Shtojmë 1 garuzhde lëng perimesh dhe i lëmë të ziejnë. Ndërkohë në një tigan të thellë vendosim 1 lugë gjelle gjalp, 1 lugë gjelle vaj ulliri, qepën e grirë shumë hollë dhe e kaurdisim deri sat ë bëhet transparente. Shtojmë orizin dhe e kaurdisim mirë duke e shuar me verë të bardhë. E lëmë sa të avullojë alkooli duke shtuar fillimisht 1 garuzhde lëng perimesh. E lëmë të avullojë lëngun duke shtuar sërish lëng perimesh. Shtojmë kërpudhat dhe i lëmë të ziejnë së bashku duke i trazuar herë pas here. Pasi të kenë kaluar 14 minuta nga momenti i zierjes, shtojmë parmixhanin, e përziejmë duke vendosur kapakun . Pas 5 minutash shtojmë majdanozin dhe e shërbejmë të ngrohtë.

Rizoto me kërpudha

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Heqja e dinarit serb, Kosova dhe Serbia sot raund të ri dialogu në Bruksel

Heqja e dinarit serb, Kosova dhe Serbia sot raund të ri dialogu në Bruksel

25 Prill, 12:43