POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Kunguj të mbushur me bullgur e mish dhe Petulla me petë (llokumet e Kosovës)

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Kunguj të mbushur me bullgur dhe mish

Përbërësit:

3-4 kunguj të njomë

300 gr mish i grirë

1 kokërr qepë

1 gotë bullgur

1 lç kumin

1 lç trumëz

1 lç nenexhik i thatë

1 lç borzilok

Kripë dhe piper i zi

1 lç salcë

1 filxhan çaji ujë i nxehtë

Për servirje:

Kos

2 lgj gjalp

1 lk piper i kuq

Përgatitja:

Lajmë dhe pastrojmë kungujt , i presim ata në feta rrumbullake me trashësi 1, 5 cm. I trazojmë tulin brenda duke i lënë ato në formë unaze. Në një tas bashkojmë mishin e grirë, qepën e grirë në reende, bullgurin, kuminin, trumzën, nenxhikun , borzilokun , kripën dhe piperin e zi. I përziejmë mirë të gjithë këto përbërës dhe mbushim me të hapësirat bosh të kungujve.

I rendisim ato në një tenxhere, i spërkatim me vaj ulliri dhe shtojmë 1 filxhan çaji ujë të nxehtë. Vendosim kapakun dhe i lëmë të ziejnë për 15 minuta, më pas i mbulojmë me pecetë dhe i lëmë të pushojnë për 15-20 minuta dhe më pas i servirim. Vendosim 1 racion në një pjatë dhe e spërkatim me kos. Ndërkohë shkrijmë gjalpin dhe shtojmë në të 1 lugë kafeje piper të kuq. E spërkatim mbi kos me gjalp dhe piper dhe më pas e shërbejmë.

Kunguj të mbushur me bullgur dhe mish

Receta e dytë: Petulla me petë (Llokumet e Kosovës)

Përgatitja:

2 kokrra vezë

1 gotë kos + 50 ml qumësht

1 lç sodë buke + pak pluhur pjekës

½ gotë ujë i gazuar

Kripë

500-600 gr miell

Vaj për skuqje

Përgatitja:

Sitim miellin dhe e përziejmë me sodë buke dhe pak pluhur pjekës. Në një tas rrahim vezët me kos qumësht e kripë dhe i përziejmë mirë duke shtuar duar duar miellin dhe duke trazuar me kosin e vezët. Kështu vazhdojmë deri sat ë na formohet një brumë jo shumë i fortë , pak më i butë se brumi i byrekut. E mbulojmë dhe e lëmë të pushojë për 30 minuta. Më pas hapim një me trashë si 0,5 cm dhe e presim në katrorë.

Vendosim tiganin me vaj të bollshëm. Sapo vaji të ngrohet shtojmë copat e prera nga peta, i lëmë të skuqen mirë nga të dyja anët dhe në fund pasi ti kemi hequr nga zjarri e servirim me djath ose reçel dhe mjalt.

Petulla me petë (Llokumet e Kosovës)

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kardio-Kirurgu Pediatrik Prof. Arben Baboci: “Kam punuar me zemër për zemrën e fëmijëve”

Kardio-Kirurgu Pediatrik Prof. Arben Baboci: “Kam punuar me zemër për zemrën e fëmijëve”

24 Nëntor, 13:29 nga Doreada Mio