POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Makarona furre me patëllxhanë dhe Krem kafe me kakao

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Makarona furre me patëllxhanë

Përbërësit:

400 gr makarona

400 gr domate të qëruara

1 thelb hudhër

2 degë borzilok

2 patëllxhanë

Kripë

3 lugë gjelle vaj ulliri

200 gr mozarela

Parmixhan

Përgatitja:

Në një tigan të thellë ngrohim vajin dhe e aromatizojmë atë me 1 thelb hudhër. Domatet i kalojmë në blender duke I kthyer në pure dhe e shtojmë në tigan, e më pas shtojmë edhe 4 gjethe borzilok. Presim patëllxhanët në feta me trashësi 0,5 cm dhe I pjekim në një tigan zgare. Ndërkohë kemi vendosur një tenxhere me ujë për të zier. Shtojmë në të kripë, hedhim makaronat dhe i ziejmë ato 3 minuta më pak se shkruhet në etiketë. Gjatë kohës që ziejnë makaronat përfundojmë pjekjen e patëllxhanëve dhe më pas I presim ato në kubikë me gjatësi 3-4 cm, e më pas I shtojmë në tiganin e salcës duke rregulluar edhe shijen me kripë. Kullojmë makaronat dhe I trazojmë në një tas së bashku me salcën me patëllxhanë.

Presim mozarelën në feta të holla. Shtojmë gjysmat e makaronave në një tepsi të thellë dhe mbi to shtrojmë disa feta mozarela. Sipër tyre shtojmë gjysmën e mbetur të makaronave që tepruan në tas. Mbulojmë përsëri makaronat me mozarela dhe I spërkatim me 2 lugë gjelle parmixhan të grirë hollë. Vendosim tavën në furrën e parangrohur në temp.

Makarona furre me patëllxhanë

Receta e dytë: Krem kafe me kakao

Përbërësit:

Thërrimet krokante:

1 lugë gjelle kakao

2 lugë gjelle miell

2 lugë gjelle sheqer

40 gr gjalp

Kremi:

1 filxhan kafe ekspres (lëng)

1 lugë gjelle kafe pluhur

250 ml pana

3 lugë gjelle sheqer pluhur

150 gr maskarpone

Përgatitja:

Në një tas vendosim kakao, miell, 2 lugë gjelle sheqer, gjalp dhe I përziejmë mirë . I kthejmë në thërrime dhe I hapim në një tepsi ku kemi shtuar një letër pjekje. I vendosim në furrë në temperaturën 180ºC për 8-10 minuta. I nxjerrim nga furra dhe I ftohim.

Në një tas tjetër vendosim kafen ekspres lëng, 1 lugë gjelle kafe pluhur dhe i përziejmë mirë. Shtojmë pana, sheqer pluhur, mascarpone dhe I rrahim së bashku duke formuar një krem të plotë.

Vendosim kremin në një xhep pastiçerie dhe mbushim tasa të vegjël, filxhanë apo edhe gota duke vendosur sipër thërrime krokante me kakao. I vendosim në frigorifer të rrinë të freskëta.

Krem kafe me kakao

b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Aksident në Korçë/ Makina përplas biçikletën, 1 plagosur

Aksident në Korçë/ Makina përplas biçikletën, 1 plagosur

28 Nëntor, 09:34