Receta

Të gatuajmë me Zonjën Vjollca: Eskallop viçi me sallatë fasulesh dhe Makarona me gjizë e portokall

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Redaksia 7 Janar 2019, 11:23 | Përditesimi: 8 Janar 2019, 08:14

Receta e parë: Eskallop viçi me sallatë fasulesh

Përbërësit:

8 copa eskallop viçi

LEXO EDHE:
Tavë me lakër arme dhe kimë nga zonja Albana

400 gr fasule të ziera

3 lgj lëng limoni

1 lgj qepë e kuqe e grirë hollë

2 thelpinj hudhër

6 lgj vaj ulliri

80 gr rukola

10 domate qershi

2-3 lgj borzilok i copëtuar

1 e 1/2 lgj miell

150 ml lëng perimesh

40 gr gjalp

Kripë dhe piper i zi

Përgatitja:

Në një tas përziejmë lëngun e limonit, qepën , hudhrat e copëtuara, 4 lugë gjelle vaj ulliri, kripë dhe i trazojmë së bashku dhe më pas i lëmë mënjanë.në një tas përziejmë rukolën, fasulet, domatet e prera në gjysëm e borzilokun. I spërkatim me salcën e përgatitur më parë dhe i përziejmë mirë së bashku.

Ngrohim vajin e mbetur (2 lgj), pudrosim me me miell copat e mishit (eskallopit) dhe i vendosim në tigan duke i skuqur për 2-3 minuta nga njëra anë dhe 2-3 minuta nga anan tjetër. I largojmë copat e mishit dhe në tigan shtojmë 1 gotë (150 ml)lëng perimesh. Sa të fillojë të marrë valë shtojmë 1 lugë gjelle gjalp. E trazojmë dhe e lëmë të ziejë për 2 minuta. Shtojmë kripë dhe piper , vendosim copat e mishit dhe fikim zjarrin. Servirim eskallopin duke e e shoqëruar me sallatën me fasule.

Eskallop viçi me sallatë fasulesh

Receta e dytë: Makarona me gjizë dhe portokall

Përbërësit:

400 gr makarona

2 kunguj të njomë

300 gr gjizë

1 portokall + 1 për dekor

4 lgj vaj ulliri

Kripë dhe piper i bardhë

Përgatitja:

Vendosim tenxheren me ujë të bollshëm për të zier. Hedhim makaronat, shtojmë kripë dhe i lëmë të ziejnë për 5 minuta. Pas 5 minutave shtojmë kungujt e prerë në gjysëm hëne ose në gjatësinë e peneve dhe i lëmë të ziejnë së bashku me makaronta për 5 minuta.

Ndërkohë në një tas vendosim gjizën, 1 lugë kafeje lëkurë portokalli, lëngun e 1 portokalli, 6 lugë gjelle lëng makaronash nga tenxherja që po ziejmë, kripë, piper të bardhë e vaj ulliri. Të gjitha këto i përziejmë mirë.

Kullojmë makaronat dhe i hedhim në një tas të madh. Shtojmë në to salcën me gjizë që përgatitëm. I përziejmë mirë dhe i servirim në moment duke dekoruar pjatën me feta portokalli.