POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Mish me bamje në furrë

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Mish me bamje në furrë

Përbërësit:

600 gr mish viçi

200 gr qepë të thata

1 thelb hudhër

150 gr speca të gjelbër

400 gr domate

800 gr bamje

Vaj ulliri

Kripë dhe piper i zi

Mish me bamje në furrë

Përgatitja:

Fillimisht lajmë bamjet dhe i kullojmë  mirë. I pastrojmë bishtat dhe i vendosim në një tepsi. I përziejmë mirë me 2 lugë gjelle vaj ulliri dhe i vendosim në furrën e parangrohur në temperaturën 180 gradë celsius për 20-25 minuta.

Ndërkohë në një tenxhere ngrohim 2 lugë gjelle vaj ulliri dhe skuqim mishin nga të dy anët. Sa të skuqet pak, shtojmë qepën dhe hudhren e grirë imet. I kaurdisim se bashku deri sa qepa të skuqet plotësisht. Shtojmë specin dhe e lëmë sa të ulë volumin. Shtojmë domatet e pastruara nga lëkura dhe të prera në kubike. I lëmë të ziejnë për 20 minuta deri sa mishi të mund të shpohet me pirun. Më pas nëse dëshironi ti gatuani bamjet në tenxhere mund të shtoni bamjet dhe 1 filxhan ujë dhe i lëmë të ziejnë në zjarr. Ata që duan ta përfundojnë në furrë shtojmë mishin me domatet në tepsinë e bamjeve dhe pasi ta mbulojmë me letër alumini I vendosim në furrë për 20 minuta të tjera. Shohim nëse ka pak lëng, mund të shtpjmë edhe 1 filxhan kafe ujë.

VIDEO/Receta e dytë u përgatit në restorant "IL PIANO"

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

26 Prill, 22:49