X

POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Mish viçi me finok e karrota dhe Cheesecake i ftohtë me gjalp kikiriku e nutella

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Cheesecake i ftohtë me gjalp kikiriku dhe nutella

Përbërësit:

Për bazën:

250 gr biskota (pa yndyrë)

100 gr gjalp i tretur

Për kremin:

250 gr maskarpone

150 gr gjalp kikiriku

50 gr sheqer pluhur

100 gr çokollatë

200 ml pana ëmbëlsire

Për dekor:

1 lgj gjalp kikiriku

2 lgj nutella

Përgatitja:

Fillimisht grijmë biskotat duke i shtypur në një qese me një rolon. Tretim 100 gr gjalp dhe i përziejmë së bahsku me biskotat në një tas. Në një tepsi me bazë 20 cm shtrojmë një letër pjekje dhe nivelojmë në të biskotat e zhytura në gjalp, duke i ngjeshur mirë në të gjithë sipërfaqen. Vendosim tepsinë në frigorifer të ftohet për 30 minuta.

Kremi:

Në një tas vendosim maskarponen dhe sheqerin pluhur dhe i përziejmë me një lugë druri. Shtojmë në të edhe gjalpin e kikirikut.Rrahim panën dhe e bashkojmë me përbërësit e tjerë në tas. Shtojmë në fund çokollatën dhe vazhdojmë përzierjen. Nxjerrim tavën nga frigoriferi dhe shtojmë mbi bazë kremin e përgatitur. Vendosim tepsinë në frigorifer për 4 orë. Më pas e nxjerrim dhe e dekorojmë me nutella dhe gjalp kikiriku.

Cheesecake i ftohtë me gjalp kikiriku dhe nutella

Receta e dytë: Mish viçi me finok dhe karrota

Përbërësit:

600 gr mish viçi

1 lgj miell

2 qepë (mesatare)

2 thelpi hudhër

2 karrota

2 finok

2 domate

1 fk pure domate

½ gotë vorë të bardhë

1 gote lëng mishi

1 lç trumzë

1 lç rozmarinë

1 gjethe dafine

vaj ulliri

kripë+ piper i zi

Përgatitja:

Pastrojmë fillimisht karrotat dhe i presim në kubikë të vegjël. Gjithashtu dhe finokun e presim në kubikë të vegjël. Domatet i qërojmë nga lëkura duke i vendosur në ujë të vluar për 2-3 minuta, më pas i presim në ¼ largojmë lëngun dhe farat dhe i presim në kubikë.
Presim mishin në 4 copa, e kriposim dhe e piperosim dhe më pas e rrotullojmë në miell.
Vendosim në një tigan të thellë 3 lugë vaj ulliri dhe pasi vaji të ngrohet vendosim copat e mishit i skuqim ato mirë nga të dy anët dhe më pas i heqim mënjanë. Po në atë yndyrë kaurdisim mirë perimet, më pas shtojmë domatet dhe salcën e domates. Sapo domatet të fitojnë pak nxehtësi e shuajmë gatimin me verë të bardhë. Shtojmë erëzat – trumzë, dafinë dhe rozmarinë dhe i rregullojmë perimet me kripë dhe piper.
Shtojmë dhe copat e mishit mbi perime, i përziejmë pak dhe në fund shtojmë lëngun e mishit. Vendosim kapakun dhe e lemë gatimin të ziejë në temperaturë mesatare për 50 minuta. E shërbejmë të ngrohtë mishin me perime duke e shoqëruar me bukë të freskët.

Mish viçi me finok dhe karrota

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

I dënuar me 12 vjet burg për prodhim dhe shitje droge, arrestohet 40-vjeçari në Durrës

I dënuar me 12 vjet burg për prodhim dhe shitje droge, arrestohet 40-vjeçari në Durrës

18 Prill, 13:49