POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Musaka me presh dhe Supë krem me kungull dimri

Në këtë hapësirë të faqes tonë do të gjeni mënyrën e përgatitjes së recetave  të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

Përbërësit:

1.5 kg presh

3 kokrra qepë

50gr pançetë FIX

400gr mish i grirë

Vaj ulliri

80 gr pure domate

2 gjethe dafine

2 lugë gjelle majdanoz

Kripë, Piper i zi

Beshameli

1 lugë gjelle gjalp

1lugë gjelle miell

Kripë dhe piper i zi

Arrë moskat

Përgatitja:

Lajmë, pastrojmë preshët dhe i presim 2-3 cm të gjatë pjerrtas. Në një tigan të thellë vendosim 2-3 lugë gjelle vaj ulliri dhe kaurdisim preshët deri sa ato të zverdhen pak. Lyejmë një tavë me pak vaj, e pudrosim me peksimadhe dhe shtojmë në të gjysmën e preshëve të skuqur. Gjsmën tjetër e ruajmë në një enë për shtresën e dytë.

Në po atë tigan që gatuam preshët, shtojmë pak vaj dhe kaurdisim qepën deri sa të zverdhet. Kaurdisim pançetën deri sa edhe pancetta të lëshojë yndyrën dhe të skuqet. Shtojmë mishin e grirë dhe e gatuajmë deri sa mishi të ndryshojë ngjyrë dhe të thërrmohet. Shtojmë purenë e domates dhe e trazojmë . shtojmë në të 1 filxhan ujë, gjethen e dafinës, kripë e piper të zi dhe e lëmë të ziejë për pak minuta. E largojmë nga zjarri dhe e shtojmë mbi preshët që shtuam në tavë duke niveluar. Në një tigan vendosim gjalp e miell dhe i kaurdisim. Shtojmë në të qumësht dhe i lëmë të ziejnë për 3 minuta. Shtojmë kripë, piper dhe arrë moskat dhe e shtrojmë në shtresën e fundit të musakasë. Vendosim tavën në furrë në temperaturën 180-200ºC për 30-40 minuta.

Receta e dytë : Supë krem me kungull dimri

Përbërësit:

800gr- 1kg kungull i verdhë

1 kokërr qepë

2-3 patate

1 litër lëng perime

30 gr gjalp

3 lugë gjelle parmixhan i grirë

80ml pana

2 lugë gjelle fara kungulli

Kripë dhe piper i zi

Përgatitja:

Vendosim tenxheren në zjarr me 1 lugë gjelle vaj ulliri e gjalp dhe e lëmë të shkrijë. Kaurdisim në të qepën sa të zbutet dhe të bëhet transparente. Shtojmë xhinxher dhe i kaurdisim të dyja duke shtuar patatet e prera hollë dhe kungullin. I trazojmë sat ë marrin pak temperaturë dhe i shuajmë me lëng perimesh. ( e lëmë supën të ziejë për 10-15 minuta). Më pas e kalojmë supën në blender dore duke kthyer patatet, xhinxherin dhe qepën në një krem me ngjyrë të artë. Rregullojmë shijen me kripë dhe piper. Shërbejmë supën duke shtuar pak krem pana dhe duke e spërkatur me fara kungulli të pjekura.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46