POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Musaka me pulë e perime dhe Tortë e ftohtë me akullore

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Musaka me pulë dhe perime

Përbërësit:

600 gr patate

1 kokërr qepë

2 speca miks ngjyra

500 gr fileto pule

1 lgj salcë

3 lgj vaj

kripë+ piper i zi

piper i kuq+ rigon

beshameli

2 lgj gjalp

2 lgj miell

400 ml qumësht

kripë + arrë muskat

100 gr djath pice

Përgatitja:

Qërojmë patatet dhe i presim ato në feta rrumbullake. Lyejmë tepsinë me vaj. Përziejmë patatet me vaj, kripë, rigon, piper të kuq. I vendosim në tavë e më pas në furrë në temperaturën 200ºC për 20 minuta. Ndërkohë në një tigan me pak vaj kaurdisim qepën deri sat ë bëhet transparente. Shtojmë në të specat e prerë në kubikë dhe vazhdojmë ti trazojmë së bashku. Presim mishin e pulës në kubikë me brinjë 1,5 cm dhe i shtojmë në tigan. Vazhdojmë të trazojmë deri sa mishi të zverdhet. Shtojmë salcën dhe i trazojmë së bashku. Rregullojmë shijen me kripë e piper të zi dhe e largojmë nga zjarri. Përgatisim beshamelin. Shkrijmë gjalpin dhe shtojmë në të miellin e qumështin dhe i lëmë të marrin valë. Rregullojmë shijen me kripë, piper dhe arrë moskat. Nxjerrim tavën nga furra dhe shtrojmë pulëb e specat. E nivelojmë në fund, e mbulojmë me beshamel dhe djath pice dhe e vendosim në furrë në temperaturën 200ºC për 30 minuta. E shërbejmë me sallatë.

Musaka me pulë dhe perime

Receta e dytë: Tartë e ftohtë me akullore

Përbërësit:

350 gr biskota pa yndyre

120 gr gjalp i shkrirë

mbushja

250 gr maskarpone

250 gr pana ëmbëlsire

70 gr sheqer pluhur

30 gr kafe

20 gr kakao

Përgatitja:

Fillimisht grijmë biskotat duke i vendosur ato në një qese dhe i shtypim me rolon, ose i grijmë në një grirëse. Vendosim biskotat e grira në një tas dhe i lëmë mënjanë. Shkrijmë gjalpin dhe e përziejmë së bashku me biskotat. Në një tespi unazë shtrojmë një letër pjekje dhe nivelojmë biskotat e trazuara me gjalpin duke i niveluar dhe ngjeshur me fundin e një gote. Vendosim tepsinë në frigorifer për 30 minuta. Ndërkohë përgatisim mbushjen. Në një tas të ftohtë shtrojmë panën (të ftohtë). Fillojmë e rrahim me rrahëse elektrike duke shtuar gradualisht kafen dhe lugë lugë edhe maskarponen. I përziejmë deri sat ë na formohet një masë e ngurtë. Shtrojmë mbushjen duke e niveluar atë. E vendosim përsëri tepsinë në frigorifer për 4 orë. Më pas e nxjerrim nga frigoriferi dhe e pudrosim me biskotat e grira që lamë mënjanë. Para se ta shërbejmë e e vendosim me pak kakao.  

Tortë e ftohtë me akullore

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Cilët janë sot patriotët dhe atdhetarët dhe kush meriton të festojë Pavarësinë?

Cilët janë sot patriotët dhe atdhetarët dhe kush meriton të festojë Pavarësinë?

28 Nëntor, 09:35 nga Alba Malltezi