Të gatuajmë me Zonjën Vjollca/ Patëllxhanë me arra dhe Makarona me ton e mustardë

Përbërësit:

4 patëllxhanë

2 kokrra qepë

4 thelpinj hudhër

3 domate

100 gr arra

1 degë rozmarinë

2 lugë gjelle salcë speci

100 gr djath dhie

2 lugë gjelle peksimadhe

Piper i kuq

Kripë dhe piper i zi

Përgatitja:

Fillimisht lajmë dhe pastrojmë patëllxhanët nga bishtat dhe i presim ato në dysh, horizonyalisht. I gërryejmë nga brenda me një lugë të vogël dhe tulin e tyre e vendosim në një enë me kripë, po ashtu edhe gjysmat e patëllxhanëve. Qepën e rpesim në fije të holla si për sallatë . Dy domate i pastrojmë nga farat dhe tulin e presimnë kubikë. Një domate e ruajmë për dekor. Djathim e thërrmojmë , hudhrat i presim në copëza të vogla. Në një tigan vendosim 3 lugë gjelle vaj ulliri dhe kaurdisim qepën e hudhrën deri sa ato të zbuten plotësisht. Shtojmë në të tulin e patëllxhanëve të prerë në kubikë të vegjël, salcën e specit, piperin, domaten, 1 degë rozmarinë, djathin, kripën e piperin e zi dhe i përziejmë sëbashku. Shtojmë 2 lugë gjelle peksimadhe dhe gjysmën e arrive të copëtuara. Lyejmë një tavë me vaj ulliri, vendosim në të gjysmat e patëllxhaneve dhe i mbushim boshllëqet që gërryem me lugë m kimën e përgatitur. I spërkatim të gjithë patëllxhanët e mbushur me arrat që mbetën. Domaten e fundit e presim në shirita dhe i vendosim ato mbi patëllxhanët që të mos thahen. Spërkatim në fund patëllxhanët me 1 lugë gjelle vaj ulliri dhe e vendosim tavën në furrë në temperaturën 200ºC për 40 minuta.

Receta e dytë: Makarona me ton dhe mustardë

Përbërësit:

320 gr makarona

1 thelb hudhër

1 kokërr qepë

200 gr peshk ton në vaj

150 ml pana

1 lugë supe mustardë

3 lugë gjelle vaj ulliri

40 gr parmixhan

2 lugë gjelle majdanoz i grirë hollë

Përgatitja:

Vendosim një tenxhere me ujë të bollshëm për të zier makaronat . në momentin e vlimit shtojmë 1 lugë çaji kripë e makaronat dhe i ziejmë aq minuta sa është shkruar në etiketë.

Në një tigan të thellë vendosim 3 lugë gjelle vaj ulliri , 1 thelp hudhër për të aromatizuar vajin. Largojmë hudhrën dhe shtojmë në të qepën e prerë në fije të holla. E kaurdisim qepën mirë deri sat ë zbutet por pa i dhënë ngjyrë. Shtojmë peshkun duke e kulluar mirë yndyrën e tij . Pasi e shtojmë tek qepa, e thërrmojmë pak me lugë sat ë marrë nxehtësinë. Shtojmë panën dhe i trazojmë së bashku qepën me peshkun dhe panën. Shtojmë një lugë mustardë mustardë dhe përsëri e trazojmë duke rregulluar kosistencën me gjsëm luge garuzhde lëng makaronash. Rregullojmë shijen për kripë dhe piper të zi e majdanoz. Shtojmë makaronat e ziera i trazojmë dhe i shërbejmë ato në pjatë duke i pudrosur me djath parmixhan të grirë hollë.  

/b.ha./Shqiptarja.com

TAG:
• rreze dielli
• receta
• zonja vjollca
• makarona