POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Patëllxhanë me djathë e arra dhe Njoki me shafran e perime

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Patëllxhanë të mbushur me djathë dhe arra

Përbërësit:

1 kg patëllxhanë (4 kg)

2 kokrra qepë

4 thelpinj hudhër

2 lgj salcë speci

1 lk piper i kuq

3 domate mesatare

Pak rozmarinë

Kripë dhe piper i zi

100 gr djath dhie

2 lgj galetë (peksimadhe)

100 gr arra

Përgatitja:

Lajmë e pastrojmë patëllxhanët. I presim ato horizontalisht dhe me ndihmën e një luge pastrojmë tulin brenda dhe formijmë hapësira duke i dhënë formën e një varke. Pasi i spërkatim me pak vaj ulliri, i vendosim patëllxhanët në furrë në temperaturë 180ºC për 25 minuta.

Tulin që larguam e presim në kubikë të vegjël. Vendosim tiganin në vaj dhe sapo vaji të ngrohet shtojmë në të qepën e prerë në fije, hudhrën e grirë në feta. I kaurdisim së bashku deri sa qepa të zbutet. Shtojmë në tiganin me qepë salcën e specit, piperin e kuq , i përziejmë dhe më pas shtojmë domatet të cilave ua kemi larguar farat dhe lëkurën dhe i kremi prerë në kubikë. Përziejmë mirë përbërësit dhe lëmë domaten të ziejë pak.

Shtojmë pak rozmarinë, kripë e piper të zi, i përziejmë dhe më pas shtojmë djathin e thërrmuar e ndërkohë e përziejmë lehtë duke fikur sobën. Shtojmë 2 lugë supe galetë (bukë të thekur të grirë) dhe vazhdojmë përzierjen duke shtuar gjysmën e arrive.

Thajmë patëllxhanët dhe lyejmë tavën me vaj. Vendosim patëllxhanët në të dhe i mbushim me gjysmat e arrive të copëtuara e më pas i shpërndajmë mbi mbushje. Vendosim disa rripa domateje dhe vendosim tavën në furrë.

Patëllxhanë të mbushur me djath dhe arra

Receta e dytë: Njoki me shafran dhe perime

Përbërësit:

500 gr njoki

1 qepë e vogël

2 karrota

2 kunguj të njomë

Pak shafran ose 1 bustinë zaferano

Djath parmixhan

Vaj ulliri

Kripë dhe piper i zi

Përgatitja:

Fillimisht presim perimet në shkopinj në gjatësi 2 cm. Në tigan ngrohim vajin dhe kaurdisim në të qepën e grirë në rende deri sa ajo të bëhet transparente. Shtojmë perimet dhe i akurdisim ato duke i shtuar herë pas here ujë që të zbuten.

Kemi vendosur një tenxhere me 1,2 l itër ujë dhe kripë. Shtojmë në të shafranin dhe më pas njokit dhe i lëmë të ziejnë për 5 minuta. Sa e shohim që njokit janë ngritur në sipërfaqe të ujit. I largojmë njokit në një kullesë dhe i vendosim në tiganin ku po gatuajmë perimet dhe i ëprziejmë së bashku me perimet duke shtuar gjysmën e garuzhdes me lëbgub që zien në tenxhere. I pudrosim me 2 lugë gjelle parmixhanë dhe i trazojmë me qëllim që parmixhani të shkrijë dhe të na formohet pak salcë. Shtojmë piper të zi dhe i trazojmë për 1 minutë e menjëherë i shërbejmë të ngrohta.

Njoki me shafran dhe perime

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Provat sugjerojnë se kundërajrorët rusë e goditën avionin e udhëtarëve para se të rrëzohej

Provat sugjerojnë se kundërajrorët rusë e goditën avionin e udhëtarëve para se të rrëzohej

27 Dhjetor, 07:41