POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Petë misri me presh dhe Gjellë mesdhetare me perime

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

Përbërësit:

800 gr presh

500 gr miell misri

1 lugë çaji pluhur pjekës

3 kokrra vezë

500 ml qumësht

400 ml kos

200 gr djath i bardhë

100 ml vaj ulliri

Kripë

Përgatitja:

Lajmë , pastrojmë preshët dhe i presim ata hollë. I vendosim në tigan me kapak në temperaturë nën mesatare që të zbuten pak. . shtojmë 3 lugë gjelle vaj dhe i kaurdisim duke mos lejuar të marrin ngjyrë , duke i shtuar nga pak ujë. I largojmë nga zjarri dhe i lëmë të ftohen.

Në një tas të madh vendosim miellin me pluhurin pjekës(ose një majë luge sodë buke). Bëjmë një gropë në mes të miellit dhe shtojmë preshët me qumështin e ngrohtë. I trazojmë pak dhe shtojmë vezët, kripën, vajin, kosin, djathin e copëtuar dhe i përziejmë mirë me lugë druri. E hedhim brumin në tepsinë e lyer me vaj. Nivelojmë brumin në të gjithë sipërfaqen e tavës dhe e spërkatim me pak vaj. Vendosim tepsinë në furrë në temperaturën 220ºc për 30 minuta.

Receta e dytë : Gjellë mesdhetare me perime

Përbërësit:

1 patëllxhan

1 lugë çaji miell

2 thelpinj hudhër

400 gr speca me ngjyrë

400 gr domate

Borzilok

1 litër lëng perimesh

300 gr qiqra(1 kuti)

5 lugë gjelle vaj ulliri

2 lugë gjelle uthull e bardhë rrushi

Kripë dhe piper i zi

Përgatitja:

Pastrojmë patëllxhanët dhe i presim ato në kubikë mesatarë. I spërkatim pak me kripë dhe i lëmë të pushojnë për 10 minuta. Më pas i thajmë me letër kuzhine dhe i spërkatim me pak miell.

Vendosim tenxheren me vaj dhe vendosim në të patëllxhanët e pudrosur me miell dhe i skuqimpak. Shtojmë nëtë hudhrat e grira imët, i kaurdisim së bashku duke shtuar specat e prera në unaza me trashësi 0,5 cm. i trazojmë sa specave tu bjerë volume dhe shtojmë domatet, borzilokun e copëtuar me dorë dhe i lëmë të marrin valë për 7 minuta në temperaturë mesatare. Shtojmë lëngun e perimeve, pak kripë, piper të zi dhe i lëmë të ziejnë për 15 minuta. Në fund shtojmë qiqrat e kulluara dhe i lëmë të ziejnë për 2-3 minuta së bashku. Në një tas trazojmë vaj, uthull dhe borzilok dhe i përziejmë mirë. Kur të shërbejmë recetën në pjatë , i hedhim sipër një lugë çaji nga përzierja e fundit.

Shënim: kësaj recete mund ti shtojmë në fund edhe makarona, sipas dëshirës.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Asnjë taksë për 10 vite!' Rama fton shqiptarët në Britani të investojnë në malet e Shqipërisë

'Asnjë taksë për 10 vite!' Rama fton shqiptarët në Britani të investojnë në malet e Shqipërisë

24 Nëntor, 14:52