Të gatuajmë me zonjën Vjollca/ Pilaf bullguri me fileto peshku dhe Kimë me vezë

Receta e pare: Pilaf  bullguri me fileto peshku

Përbërësit:

1 e ½ filxhan bullgur

1/3 filxhan vaj ulliri

1 finok i copëtuar

1 presh i copëtuar

2 thelpinj hudhër

1 filxhan domate qershi ose domate të grira

4 lugë verë e bardhë

6 ullinj të gjelbër të copëtuar

½ filxhan arra të copëtuara

Lëngu i një limoni

Majdanoz i freskët

Kopër e freskët

Kripë dhe piper i zi

4 fileto peshku

Përgatitja:

Vendosni bullgurin në një tas me 3 gota ujë dhe pak kripë. Mbulojeni dhe lëreni të qëndrojë për 2 orë deri sa bullguri të thithë shumicën e ujit dhe të bëhet i butë. Kulloni ujin e mbetur në një sitë dhe vendoseni bullgurin mënjanë. Vendosni peshkun në një pjatë dhe spërkateni me kripë, piper e lëng limoni. Mbulojeni dhe lëreni mënjanë.

Ngrohni 2 lugë vaj ulliri në një tigan të thellë dhe kaurdisni lehtë preshin dhe finokun deri sa të zbuten pak por jo plotësisht (rreth 5 minuta). Më pas shtoni hudhrat, rrisni pak nxehtësinë dhe shtoni  domatet. Më pas shtoni ullinjtë dhe shuajeni me 2 lugë verë të bardhë. Kur alkooli të avullojë, ulni nxehtësinë, e shtoni arrat dhe bullgurin. Rregulloni shijen me kripë dhe piper.

Në një tigan tjetër ngrohni 2 lugë gjelle vaj ulliri në nxehtësi mesatare. Vendosni filetot e peshkut me lëkurë lart dhe lëreni për 3 minuta. Kthejeni me kujdes nga ana tjetër dhe rrisni nxehtësinë. Në të njëjtën kohë shtoni 2 lugët e tjera me verë të bardhë. Lëreni për 2 minuta derisa alkooli të avullojë por të ketë ngelur pak lëng në tigan.

Hiqni fileton dhe vendoseni mbi pilafin e bullgurit. Lëngun e mbetur në tigan nga filetoja e peshkut hidheni sipër bullgurit. Shërbejeni së bashku me disa feta limoni në pjatë.

Pilaf  bullguri me fileto peshku

Receta e dytë: Kimë me vezë

Përbërësit:

4-5 kokrra qepë

1 karrotë

1 degë selino

400 gr mish i grirë

2-3 domate ose pure domate

1 filxhan kafe ujë

Kripë dhe piper i zi

1 lugë kafe piper i kuq

4 kokrra vezë

4 lgj vaj ulliri

Majdanoz

Përgatitja:

Vendosim një tigan të thellë me 4 lugë gjelle vaj ulliri. Sapo vaji të nxehet shtojmë qepën të prerë në fije të holla. E kaurdisim qepën deri sa ajo të tretet mirë. Shtojmë në të karrotën e grirë në rende, selinonë e prerë hollë dhe i kaurdisim së bashku.

Shtojmë mishin e grirë dhe i kaurdisim së bashku deri sa mishit ë ndryshojë ngjyrë dhe të thërrmohet.

Shtojmë domatet të qëruara dhe të prera në kubikë. E lëmë të ziejë për 5 minuta, shtojmë piper të kuq, pak ujë e piper të zi. I vendosim kapakun dhe e lëmë të ziejë për 5 minuta të tjera. Kur uji të ketë shteruar shtojmë vezët dhe mund të transferojmë kimën në furrë ose i vendosim kapakun dhe e lëmë deri sa veza të mpikset. E servirim duke e spërkatur me pak vaj ulliri dhe majdanoz.

Kimë me vezë

b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Mbështetësi i Belerit e pështyu, reagon Vangjel Tavo: Interesat e vogla kanë marrë peng komunutetin himariot

Mbështetësi i Belerit e pështyu, reagon Vangjel Tavo: Interesat e vogla kanë marrë peng komunutetin himariot