POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Pite me bukë dhe Supë me presh e limon

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Pite me bukë

Përbërësit:

4 kokrra vezë 
80 ml vaj 
400 gr kos 
250 ml qumësht 
200 gr djath i bardhë 
1 lç pluhur pjekës 
1 lgj gjalp
4 -5 feta bukë të ftohtë 
250 gr proshutë (sipas dëshirës)
100 gr djath pice i grirë 
2 lgj fara susami

Përgatitja

Fillimisht bëjmë përshesh bukën  në copëza mesatare, i vendosim copëzat në një tepsi dhe i fusim në furrë për 10 minuta në temperaturën 100 gradë Celsius.

Ndërkohë në një tas rrahim 4 kokrra vezë me 1 lç kripë dhe vaj. I rrahim mirë së bashku derisa të formohet një salcë e trashë, shtojmë më pas kosin, vazhdojmë përzierjen duke shtuar qumështin , djathin e bardhë të thërrmuar dhe pluhurin pjekës.

Lyejmë një tavë me pak gjalpë dhe shpërndajmë në të si  bazë copat e bukës (pasi të jenë ftohur) duke mbuluar komplet sipërfaqen e tavës.

Presim proshutën në shirita dhe e shpërndajmë mbi copat e bukës. Spërkasim me gjysmën e salcës me vezë komplet sipërfaqen e bukëve në tavë. Vendosim përsëri dhe një rrjesht me copëza buke, proshutë dhe përsëri salcë me vezë, kos, qumësht dhe djathë. E mbulojmë në fund sipërfaqen me feta djathi kaçkavall të butë dhe fara susami. E vendosim tavën në furrë në temperaturën 180 gradë Celsius për 25 minuta.

Pite me bukë

Receta e dytë: Supë me presh dhe limon

Përbërësit:

700 gr presh 
300 gr patate 
2 thelpinj hudhër 
1 lç kerri 
1 lk lëkurë limoni 
3-4 lgj lëng limoni 
Kripë dhe piper i zi 
Kopër 
4 lgj vaj ulliri 
800 ml lëng pule

Përgatitja:

Ngrohim vajin e ullirit, shtojmë në të hudhrat e prera në feta dhe preshin e pastruar dhe të prerë hollë në unaza. I kaurdisim derisa preshi të ulë volumin. Shtojmë pluhurin kerri, e trazojmë që të shpërbëhet në yndyrë dhe shtojmë patatet e prera në copëza të vogla. I trazojmë duke shtuar më pas lëngun e pulës. Vendosim kapakun dhe e lëmë supën të ziejë për 15 minuta.

Pasi patatet të jenë zier , shtojmë lëkurën dhe lëngun e limonit dhe e kalojmë supën në blender duke e kthyer në krem. Rregullojmë shijen me kripë dhe piper të zi dhe e vendosim përsëri të marrë një valë të lehtë. E servirim të ngrohtë duke e pudrosur me pak kopër të freskët.

Supë me presh dhe limon

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Invalidët pa kujdestar zhytin familjet në varfëri! Familja e Asqeri Durajt nga Memaliaj jeton me 12 mijë lekë në muaj! Gruaja e të paralizuarit: Na e hoqën kempin

Invalidët pa kujdestar zhytin familjet në varfëri! Familja e Asqeri Durajt nga Memaliaj jeton me 12 mijë lekë në muaj! Gruaja e të paralizuarit: Na e hoqën kempin

24 Nëntor, 13:16 nga Piro Nase