POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Pite me pulë pa petë dhe Fërgesë me domate e vezë

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Pite me pulë pa peta 

Përbërësit:

500 gr pulë

marinimi i pulës

1 lgj qepë e grirë ne rende

1 lgj erza, perime te thata

kripë+ piper i zi

1 lk piper i kuq

3 lgj vaj luledielli

Brumi:

300 gr miell

3 kokrra veze

200 ml kos

200 ml krem kosi

200 ml qumësht

1 lç pluhur pjekës

kripë

250 gr kos për lyerje

Përgatitja:

Në një tas vendosim 1 lugë gjelle qepë të grirë hollë në rende, 1 lugë vegetë(erza, perime te thata), 1 lugë kafe piper të kuq, kripë, piper të zi, 3 lugë gjelle vaj lule dielli. I përziejmë mirë me furçë dhe fillojmë të lyejmë kofshët e pulës nga të gjitha anët. I lëmë të marinohen në frigorifer për të paktën 30 minuta ( të mbuluara). Përgatisim brumin duke vendosur miellin në një tas, pluhur pjekës, 3 kokrra vezë, krem kosi, kos dhe i ëprziejmë të gjithë përbërësit me një tel vezësh. Shtojmë fillimisht gjysmën e gotës së qumështit duke e testuar brumin vazhdimisht deri sat ë shohim që kosistenca e brumit të jetë njësoj si për krepa, pra një brumë i hollë. Nëse duhet e shtojmë edhe gjysmën tjetër të gotës (kjo varet nga madhësia e vezëve, pra qumështi mund të mos përdoret i gjithi). Lyejmë një tepsi mesatare me yndyrë dhe e vendosim në furrë që të nxehet mirë. Ndërkohë nxehim një tigan dhe kalojmë kofshët e pulës për ti pjekur, sa ti zbardhet mishi rreth e qark tyre. Hedhim brumin në tepsinë e nxehtë. Brumi nuk duhet të jetë më i trashë se 1,5 cm. Vendosim në të kofshat e pulës gjysmë të pjekura dhe vendosim tepsinë në furrë në tenperaturën 200ºC për 40 minuta.

Pasi e nxjerrim nga furra e lyejmë sipër me kos ose krem kosi dhe e shërbejmë duke e shoqëruar me një sallatë.

Pite me pulë pa peta 

Receta e dytë: Fërgesë me domate dhe vezë

Përbërësit:

1 qepë

2-3 thelpinj hudhër

2 speca

500 gr domate

1 lk sheqer

1 lk kumin

kripe+ piper i zi

4 kokrra  vezë

majdanoz

vaj ulliri

Përgatitja:

Në një tigan ngrohim vajin dhe kaurdisim për 5 minuta qepën e prerë në kubikë e hudhrat deri sa të bëhen transparente. Shtojmë 1 ose 2 speca të prerë në kubikë dhe i kaurdisim përsëri së bashku për 5 minuta të tjera. Shtojmë domatet të qëruara e të prera në kubikë, 1 lugë kafe kumin, 1 lugë kafe piper të kuq, kripë e piper të zi. ( nëse dëshironi mund të shtoni edhe pak spec pikant). E lëmë të ziejë domaten në temperaturë mesatare për 10 minuta.

Në fund hapim 4 gropëza të vogla me majën lugës dhe shtojmë vezët. Vendosim kapakun për 10 minuta. Spërkatim me majdanoz dhe i servirim të ngrohta duke i shoqëruar me djath.

Fërgesë me domate dhe vezë

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça