POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Pulë me qepë, domate e birrë dhe Makarona me salcë karrote e selino

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Pulë me qepë, domate dhe birrë  

Përbërësit:

800 gr mish pule (fshati)

1 tufë qepë të njoma

350 gr domate qershi

1 lgj mjaltë

330 ml birrë e zezë

kripë+ piper i zi

1 lk piper i kuq

vaj

Përgatitja:

Lajmë dhe thajmë mirë copat e pulës. I marinojme ato me kripë, piper të zi e piper të kuq. Pastrojmë qepët dhe i presim ato në gjatësinë 1,5-2 cm (vetëm pjesën e bardhë të saj). Domatet qershi i presim në gjysma ose më katërsh. Vendosim një tigan të thellë me 3 lugë gjelle vaj dhe skuqim copat e pulës deri sa të zënë kore dhe të marrin një ngjyrë të verdhë në të gjitha anët.

Shtojmë qepët e njoma dhe i kaurdisim për 2-3 minuta duke shtuar me pas domatet. I sperkatim me mjaltë dhe me pas i shuajmë me birrë. Shtojmë kripë dhe e lëmë birrën të marrë valë. Sa të kalojnë 5 minuta vendosim kapakun dhe e futim në furrë në temperaturën 200°C për 30 minuta.

Pulë me qepë, domate dhe birrë

Receta e dytë: Makarona me salcë karrote dhe selino

Përbërësit:

400 gr makarona (paccheri)

1 qepë mesatare

1 karrote

1 degë selino

400 gr pure domate

5-6 gjethe borzilok

50 ml vaj ulliri

parmixhan

kripë+ piper i zi

Përgatitja:

Përgatitja:

Vendosim 1 tenxhere me ujë të bollshëm për të zier.  Në griresen e qepës vendosim një qepë të grirë në copa, 1 karrotë të grirë në copa, 1 degë  selino të prerë në copa, 2 lugë gjelle djathë parmixhan dhe i kalojmë në grirje për 2-3 minuta. Me pas të gjithë masën e shtojmë në tenxheren ku kemi ngrohur vaj ulliri. I kaurdisim për 5-7 minuta. Shtojmë purenë e domates, borzilok, kripë e piper të zi. Shtojmë makaronat dhe pak kripë dhe i lëmë të ziejnë për 1 minutë më pak nga sa shkruhet në etiketë.

Sapo makaronat të ziejnë, shtojmë në salcë 1 garuzhde lëng makaronash si dhe makaronat e kulluara që i lëmë të ziejnë dhe 1 minutë më salcën dhe i sperkatim me parmixhan. I shërbejmë menjëherë të ngrohta.

Makarona me salcë karrote dhe selino

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet prokurorëve të SPAK-ut t'u jepet e drejta e rikandidimit?

Lajme të tjera



×

Lajmi i fundit

Një letër për studentin e gazetarisë në kohën e marrëzisë

Një letër për studentin e gazetarisë në kohën e marrëzisë

4 Maj, 00:25 nga Lutfi Dervishi