POP 5

Lajmet më të lexuara të 5 minutave të fundit

Të gatuajmë me Zonjën Vjollca/ Pulë pikante me speca e kos dhe Bullgur sallatë mesdhetare

Receta e pare: Pulë pikante me speca dhe kos

Përbërësit:


500 gr mish pule

 3 qepë

 3 thelpinj hudhër

2 speca të kuq

1 spec jeshil

400 ml lëng pule

 Marinimi i pulës:

 1 lç kumin

 lëkura e 1 limoni

1 lç piper i kuq

 1 lk piper djegës

 Kripë, piper i zi

1 ½ lgj ujë

2 lgj vaj ulliri

Salca me kos:

 350 ml kos

1 ½ lgj miell

 2 lgj pure domate

 Kripë, piper i zi

250 gr domate qershi

Përgatitja:

Si fillim përgatisim salcën për marinimin e pulës. Në një tas të vogël përziejmë kumel, piper të kuq, piper djegës, kripë, piper të zi, ujë dhe vaj ulliri. I përziejmë së bashku duke formuar një salcë. Në fund shtojmë lëkurën e limonit të grirë hollë. E përziejmë mirë dhe me këtë masë lyejmë mishin e pulës të cilin e kemi larë dhe tharë më parë. Pasi e lyjemë mishin nga të gjitha anët e mbulojmë me celefon dhe e lemë në frigorifer të marinohet për minimalisht 2 orë. Ndërkohë në një tigan të madh me 3 lugë vaj ulliri kaurdisim qepën të prerë në kubikë. Sapo qepa të fillojë të zbutet shtojmë hudhrat të prera imët i trazojmë dhe vendosim copat e mishit sa të kapen pak me qëllim që të fiksohet marinimi. I largojmë më pas dhe i vendosim në një pjatë të rrinë të ngrohta. Ndërkohë vazhdojmë përsëri me kaurdisjen e qepës duke shtuar specat të prera në copa mesatare. Sapo specat të ulin pak volumin shtojmë mishin e pulës në tigan së bashku me lëngun e pulës. Vendosim kapakun dhe e lemë 5-10 minuta derisa përbërësit të marrin një vale të lehtë. Më pas e vendosim pulën me speca në një tavë dhe e vendosim në furrë në temperaturën 200 gradë Celsius për 20 minuta. Ndërkohë përziejmë kosin me dy lugë pure domate, 1 ½ lugë miell, kripë dhe piper të zi. E rrahim mirë derisa të formohet një krem dhe pas 20 minutave nga pjekja e pulës e shtojmë në tavë duke e përhapur mire. Vendosim dhe domatet qershi dhe e lemë mishin e pulës me speca dhe kos përsëri në furrë për 10 minuta të tjera.

Pulë pikante me speca dhe kos

Receta e dytë: Bullgur sallatë mediterrane

Përbërësit:

1 gotë bullgur

¼ gotë vaj ulliri

1 kokërr qepë

1 lk kumin

¼ lk piper i copëtuar

1 lç salcë domate

1 lajm

¾ gotë ujë i nxehtë

Kripë

4 qepë të njoma

1 tufë majdanoz

200 gr bizele të ziera

Përgatitja:

Ngrohim vajin në tenxhere dhe shtojmë qepën e prerë në kubikë. E kaurdisim atë deri sa të zbutet mirë. Shtojmë 1 lugë kafe kumin dhe pak piper të copëtuar pikant, 1 lugë çaji salcë domate dhe i trazojmë mirë të gjithë prbërësit. Shtojmë më pas 1 domate të prerë në kubikë, pak lëkurë dhe lëng limoni, bullgurin, ¾ e gotës me ujë të nxehtë, kripë dhe i përziejmë të gjithë përbërësit. E lëmë bullgurin të ziejë për 15 minuta më pas e fikim zjarrin dhe e lëmë 15 minuta të tjera të pushojë.

Në fund presim qepët e njoma në unaza të holla, majdanozin e grijmë shumë hollë dhe i shtojmë tek bullguri.pasi të jetë gatuar shtojmë dhe bizelet e tjera, i përziejmë mirë dhe e shërbejmë sallatën të spërkatur përsëri me pak qepë të njoma dhe majdanoz.

Bullgur sallatë mediterrane

b.ha./Shqiptarja.com
Komento