POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Recetë për mëngjes dhe Supë bizelesh me gjoks pule

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Recetë për mëngjes

Përbërësit:

5-6 feta bukë

400 ml qumësht

100 gr pançetë

4 qepë të njoma

1 lgj gjalp

4 kokrra vezë

300 gr proshutë

Kripë dhe piper

Përgatitja:

Fillimisht presim bukën në kubikë të vegjël, e vendosim në një tas dhe shtojmë pak kripë e më pas e zbutim me qumësht dhe e lëmë mënjanë që buka të zbutet.

Në një tigan vendosim pançetën në kubikë dhe e kaurdisim sat ë shkrijë pak. Shtojmë qepët e njoma ( vetëm pjesën e bardhë) të prera në unaza të holla. I kaurdisim së bashku me proshutën e prerë në kubikë dhe i trazojmë së bashku pasi kemi shtuar pak gjalp.

Ndërkohë bishtat e qepëve i preism hollë dhe i shtojmë tek tasi me bukë. Shtojmë 4 vezë të plota dhe i përziejmë mirë me dorë. Shtojmë edhe qepët dhe proshutat e kaurdisura dhe i përziejëm mirë. Më pas e shtrojmë në një tavë buke, e ngjeshim atë me ndihmën e një luge dhe pasi ta mbulojmë me leëtër alumini vendosim tavën në furrë në temperaturën 190-200ºC për 45-50 minuta.

Recetë për mëngjes

Receta e dytë: Supë bizelesh me gjoks pule

Përbërësit:

1 gjoks pule (250 gr)

1 qepë

1 tufë erëzash

60 gr gjalp

500 gr bizele

750 ml lëng pule

7 gjethe nenexhik

120 ml ajkë qumështi

1 majë luge sheqer

Kripë dhe piper

Përgatitja:

Grijmë hollë qepën dhe e skuqim atë lehtë së bashku me erëzat në një enë ku kemi hedhur gjalp. Shtojmë bizelet dhe lëngun e pulës dhe i lëmë të marrin pak valë. Pasi i lëmë të ziejnë për 10 minuta, i lëmë të ftohen dhe i bëjmë pure.

Presim hollë 3 gjethe nenexhik dhe bashkë me ajkën e qumështit i shtohen puresë, i përziejmë së bashku dhe i spërkatim me kripë, piper e sheqer.

Lajmë gjoksin e pulës, e thajmë atë me pecetë, e presim në dysh, e spërkatim me kripë dhe piper e më pas e skuqim në gjalpin e nxehtë për 3 minuta në çdo anë. Pas skuqjes i presim diagonalisht në shkopinj të hollë dhe i hedhim në supën e bizeleve.

Në gjalpin e mbetur skuqim bukët e prera në kubikë. Bukëzat i hedhim sipër supës në çastin e shërbimit dhe i spërkatim me gjethet e nenexhikut të grira hollë.

Supë bizelesh me gjoks pule

b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

24 Nëntor, 11:43