POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Sfoliatë me krem e reçel mjedre dhe Qofte me ton

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e  parë: Sfoliatë me krem dhe reçel mjedre

Përbërësit:

1 petë sfoliatë

2 kokrra vezë

120 gr sheqer

40 gr niseshte

pak lëkurë limoni

500 ml qumësht

vanilje

150 gr xhelatinë mjedre

sheqer pluhur për dekor

Përgatitja:

Në një tenxhere përzieni 2 kokrra vezë. Në një tepsi vendosim një letër pjekje dhe mbi të vendosim petën sfoliatë. E tendosim mirë dhe me ndihmën e një forme ose gote formojmë rrathë (mesatarisht 10 copë për një petë) me diametër 8 cm.

Lyejmë petët me furçë me vezë dhe i vendosim në furrë në temperaturë 190ºC per 10 minuta.

Në tenxheren ku kemi rrahur vezët shtojmë 120 gr sheqer, 40 gr niseshte, pak lekurë limoni dhe i përziejmë mirë deri sa sheqeri, niseshteja dhe vezët të përzihen mirë. Shtojmë qumështin e  vaniljen dhe e trazojmë deri sat ë formohet një krem i trashë. Sa të flluskojë e largojmë nga zjarri dhe e spërkatim me pak sheqer pluhur që të mos zërë ajkë. Ose e përziejmë, i vendosim një celefon dhe e vendosim në frigorifer që të ftohet.

Ndërkohë nxjerrim tepsinë nga furra dhe i lëmë pak që të ftohen. Bëjmë një prerje në mes horizontalisht për të gjitha pufkat dhe i mbushim brendaa me krem pastiçerie. Në qendër me 1 lugë çaji xhelatinë mjedre i bashkojmë të dy gjysmat që premë. I vendosim në një pjatë, i pudrosim me sheqer pluhur dhe i shërbejmë.

Sfoliatë me krem dhe reçel mjedre

Receta e dytë: Qofte me ton

Përbërësit:

280 gr ton

½ qepë mesatare

2 thelpinj hudhër

2 gj bar qepe( ose bishta qepe)

2 lgj majdanoz i grirë hollë

90 gr tërshërë

¼ lk spec pikant

1lk kripë

2 kokrra veze

4 lgj vaj ulliri

Përgatitja:

Kullojmë tonin mirë në një sitë (kullesë) duke e shtypur me pirun me qëllim që të mos ketë lëng dhe më pas e vendosim në një tas.

Grijmë shumë hollë qepët dhe i shtojmë në tas. Shtojmë gjithashtu edhe hudhrat e shtypura mirë. Grijmë shumë imët bar qepe ose bishta të hollë qepe të njomë(2 lugë gjelle) dhe shtojmë gjithashtu 2 lugë gjelle majdanoz të grirë hollë.

Shtojmë tërshërën të bluar imët, specin pikant e kripën.rrahim 2 vezë të plota dhe i shtojmë në tasin ku kemi vendosur të gjithë përbërësit e mësipërm. I trazojmë mirë me lugë deri sa të na bëhet një brumë i lidhur. Formojmë 9-10 qofte. Ngrohim vajin, i skuqim nga të dyja anët dhe i shërbejmë me sallatën e preferuar.

Qofte me ton

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Shpërthim me lëndë plasëse në banesën e gjyqtarit të Gjykatës së Shkodrës, Tonin Sterkaj

Shpërthim me lëndë plasëse në banesën e gjyqtarit të Gjykatës së Shkodrës, Tonin Sterkaj

28 Prill, 07:51