POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Speca të mbushur me bullgur kokërrmadh dhe Makarona me pesto xhenoveze

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

Receta e parë: Speca të mbushur me bullgur kokërrmadh
Përbërësit:
Mbushja:
2 gota uji bullgur i trashë
6 lugë gjelle vaj ulliri
2 kokrra qepë
2 kokrra domate
20 gr stika pishe
20 gr rrush i thatë
Nenexhik i thatë
Sheqer pluhur
Kripë 
Majdanoz
1 thelb hudhër
Për gatim:
4 speca jeshilë
4 speca të kuq
Lëngu i një limoni
3 gota ujë
Përgatitja:
Rrushin e thatë kokërrvogël e lëmë për 5 minuta në ujë dhe më pas e kullojmë. Pastrojmë të brendshmet e specave . vendosim në një tigan bullgurin kokërrmadh dhe shtojmë qepën e grirë e majdanozin, domatet e grira në rende dhe hudhrën. Më pas sipas rradhës shtojmë stikat e pishës, rrushin e thatë, erëzat, kripën dhe sheqerin. Pasi i kaurdisim mirë të gjitha , fusim mbushjen brenda specave në mënyrë të barabartë. Pas mbushjes specat i vendosim në një tenxhere të sheshtë me kapak. Pasi të shtojmë ujin dhe lëngun e limonit, mbyllim kapakun dhe i lëmë të ziejnë për rreth 1 orë.
Pasi të kemi rreshtuar specat e mbushur në tenxhere , ngulim sipër tyre nga një kruajtëse dhëmbësh në mënyrë që uji të depërtojëmirë në to. Në momentin e fundit të zierjes, heqim ujin e tepërt dhe lëmë tenxheren në zjarr për pak minuta derisa specat të skuqen nga poshtë.

Receta e dytë: Makarona me pesto xhenoveze
Përbërësit:
1 pako makarona
200 gr pesto
2 lugë gjelle vaj ulliri
¾ garuzhde lëng makaronash
Parmixhan
Përgatitja:
Vendosim makaronat për të zier në ujë të valuar me kripë, në një tigan me pak vaj ulliri shtojmë peston dhe lëngun e makaronave. E trazojmë peston për ta holluar pak.
Shtojmë në tigan makaronat e ziera, i trazojmë dhe i shërbejmë duke i grirë pak djath parmixhan.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sarandë/ Aksident pranë fshatit Shijan, makina kthehet përmbys në një kanal gjatë rrugës! Lëndohen dy persona dhe dërgohen me urgjencë në spital

Sarandë/ Aksident pranë fshatit Shijan, makina kthehet përmbys në një kanal gjatë rrugës! Lëndohen dy persona dhe dërgohen me urgjencë në spital

26 Dhjetor, 10:00