Receta e parë: Spinaq me qumësht dhe vezë
Përbërësit:
![](https://shqiptarja.com/template/img/NO_ALFA_Kuadrate shqiptarja.png)
1.2 kg spinaq
2 kokrra qepë
2 lgj vaj ulliri
4 kokrra vezë
1 ½ gotë qumësht
1 ½ lgj miell
2 lgj gjalp
3 lgj kaçkavall i grirë
kripë+ piper i zi
arrëmoskat
2 lgj peskimadhe
Përgatitja:
Lajmë spinaqin dhe e kalojmë në ujë të vluar me kripë për 2 minuta. Më pas e kalojmë në ujë të ftohtë me akull, e shtrydhim mirë dhe e presim vrazhdë.
Ndërkohë në një tigan me vaj kaurdisim qepët të prera në kubikë derisa ato të zbuten ( i ndihmojmë duke i hedhur pak ujë herë pas here me qëllim që qepa të mos ngjyroset). Shtojmë spinaqin e më pas kripë, piper të zi, arrë moskat, koper dhe spinaqin dhe e lemë në zjarr derisa ai të ulë volumin.
Lyejmë tavën me gjalpë, e pudrosim atë me peksimadhe, vendosim spinaqin dhe e nivelojmë mirë.
Rrahim 4 kokrra vezë me qumësht dhe pak miell, i përziejmë mirë derisa të formohet një masë homogjene. Shtojmë dhe pak kripë dhe arrë moskat dhe e vendosim kremin mbi spinaq duke vendosur pak gjalpë mbi të dhe duke e pudrosur me djath kaçkavall të grirë. E vendosim tavën në furrë në temperaturën 180 gradë Celsius për 15 minuta derisa të mpikset dhe të marrë një ngjyrë të verdhë.
Kjo recetë kushtoi 360 lekë dhe ishte pjesë e quiz-it për ditën e sotme. Megjithë telefonatat e shumta në studio, asnjë nuk arriti të bëhej fitues i 2000 lekëve të reja nga Conad. Një tjetër quiz vjen sërish nesër ku ju mund të bëheni fitues nëpërmjet 1 telefonate në numrin 044 400 101.
Spinaq me vezë dhe qumësht
Receta e dytë: Supë e ftohte me karrotë
Përbërësit:
400 gr karrota
200 gr bukë (e ftohtë)
1 l kos ose dhallë
3 thelpi hudhër
100 gr bajame të grira
2 lgj uthull të bardhë
4 lgj vaj ulliri
kripë+ piper i zi
majdanoz
Përgatitja:
Fillimisht ziejmë karrotat në ujë të vluar për 15-20 minuta. Presim bukën në copa dhe pjesën më të madhe të bukës e njomim me 150 ml dhallë duke e lenë të bymehet për disa minuta.
Pjesën tjetër të bukës së mbetur e thekim në një tigan pa yndyrë.
Hudhrat të prera në copëza, miellin e bajameve, karrotat e ziera dhe dhallën e mbetur e kalojmë në blender duke e kthyer në pure. Më pas shtojmë dhe bukën e zbutur, dy lugë uthull, vaj ulliri, kripë dhe piper të zi. E vendosim supën në frigorifer për 1 orë të ftohet dhe e servirim në një pjatë duke e zbukuruar me kubikë buke të thekur, pak vaj ulliri dhe majdanoz të grirë imët.
Supë e ftohtë me karrota
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)