Të gatuajmë me Zonjën Vjollca: Supë e shpejtë me karrota e pule/ Bukë me djath e hudhër/Tortilla me bizele

Receta e parë: Supë e shpejtë me karrota dhe pulë

Përbërësit:

750 gr karrota

150 gr patate

2 kokërra qepë

2 lgj vaj ulliri

Kripë + Piper të zi

Arrë moskat

¼ lç piper të kuq

400 gr fileto pule

4 lç pesto xhenoveze

1 l lëng perimesh ose pule

Përgatitja:

Lajmë pastrojmë karrotat dhe i presim në feta shumë të holla me qëllim që të ziejnë shpejt. Qërojmë patatet dhe gjithashtu i presim në feta të holla. Qërojmë dhe qepën dhe e presim në kubikë të vegjël.

Ngrohim 2 lugë vaj ulliri në tigan dhe pasi kaurdisim qepën për 5 minuta shtojmë karrotat, patatet, 1 litër ujë, 1 bustinë koncentrat pule Gallina Blanca, kripë, piper të zi dhe arrë moskat. I trazojmë të gjithë përbërësit së bashku dhe i lemë të ziejnë për 15 minuta.

Ndërkohë pasi e kemi larë dhe tharë mirë fileton e pulës e marinojmë me kripë, piper të zi dhe piper të kuq. Ngrohim më pas vajin e ullirit në një tigan dhe e skuqim mirë nga të dy anët fileton e pulës për 10 minuta.

Pasi supa të jetë zjerë e kalojmë në blender dhe e kthejmë në pure. E shërbejmë më pas supën në pjatë duke vendosur në qender disa feta fileto pule. Shpërndajmë më pas në supë 1 lugë çaji pesto xhenovese të holluar me pak vaj ulliri. Për dekor mund të vendosim në supë dhe pak nga gjethet jeshile të karrotave.

Supë e shpejtë me karrota dhe pulë

Receta e dytë: Bukë me djath dhe hudhër

Përbërësit:

1 bukë franxhollë

7 thelpi hudhër

125gr mozzarela

2 lgj permixhanë

1 tufë majdanoz

100 gr vaj ulliri

Kripë + Piper të zi

Përgatitja:

Fillimisht presim bukën vertikalisht jo deri në fund. E hapim me duar dhe e vendosim në tavë ku kemi shtruar një letër alumini.
Në një blender ku grijmë qepën vendosim hudhrat, majdanozin, vajin e ullirit dhe të gjithë këto i kthejmë në pure. Me këtë salcë që na u formua lyejmë komplet tulin e bukës. I bashkojmë dy pjesët e bukës, e mbështjellim bukën me letër alumini dhe e vendosim në furrë në temperaturën 180 gradë për 10 minuta.
Pasi e nxjerrim bukën nga furra e hapim përsëri si më parë kur e lyem me salcë, e mbulojmë salcën me djathë mocarela, i grijmë shumë pak djath parmixhano, e pudrosim me kripë dhe piper dhe e vendosim përsëri në furrë dhe për 8 minuta të tjera.

Bukë me djath dhe hudhër

Receta e tretë: Tortilla me bizele

Përbërësit:

75 ml qumësht

60 gr pure patate pluhur

80 gr bizele

½ tufë majdanoz

4 kokrra vezë

1 qepë e vogël

3 lgj vaj ulliri

Kripë + piper të zi

Përgatitja:

Fillimisht 75 ml qumësht dhe 75 ml ujë i kalojmë në vlim me pak kripë, më pas e largojmë enën nga zjarri dhe përziejmë purenë e patates pluhur. Bizelet i kalojmë në ujë të vluar me kripë për 3 minuta, më pas i kullojmë mirë. Rrahim më pas 4 kokrra vezë dhe i trazojmë me purenë e patates. Shtojmë më pas bizelet, kripën, piperin e zi dhe majdanozin e grirë imët. Në 2 lugë vaj ulliri kuardisim 1 kokërr qepë të grirë shumë imët, më pas shtojmë vezën e përzier me purenë dhe bizelet, ulim temperaturën nën mesatare, vendosim kapakun dhe e lemë 5 minuta. Më pas nëse dëshirojmë mund ta kalojmë dhe në furrë në temperaturën 200 gradë Celsius për 10 minuta ose mund ta kthejmë në një pjatë dhe ta përfundojmë pjekjen nga ana tjetër në tigan.

 

b.ha./Shqiptarja.com

TAG:
• rreze dielli
• receta
• zonja vjollca
• supe me karrota e pule
• buke me djath e hudher
• tortilla me bizele