POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Tartë me sfoliatë e perime dhe Supë me qofte erzash

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Përbërja:

1 petë sfoliatë

½ qepë

1 karrotë

1 spec i verdhë

1 spec i kuq

1-2 kunguj të njomë

150 gr krem kosi

2 kokrra vezë

Kripë dhe piper i zi

20 gr parmixhan

2 lgj vaj ulliri

Përgatitja:

Të gjitha perimet i presim në kubikë të vegjël. Vendosim 2 lugë gjelle vaj ulliri dhe kaurdisim qepën deri sa të zbutet. Shtojmë karrotën, kungujt e specat dhe i kaurdisim deri sa ato të ulin pak volumin (por jo të gatuhen plotësisht). I largojmë mënjanë në një tas. Hapim petën në një tepsi ku kemi shtruar më parë letër pjekje. Shpojmë petën me pirun në disa vende. Në një tas rrahim 2 kokrra vezë. Shtojmë në të kremin e kosit dhe parmixhanën e grirë hollë. Shtojmë perimet në tepsinë ku kemi vendosur petën sfoliatë dhe mbi to hedhim salcën e përgatitur. Kthejmë anët dhe e vendosim tartën në furrë në temperaturë 200ºC për 30-35 minuta.

Tartë me sfoliatë e perime

Receta e dytë: Supë me qofte erzash

Përbërësit:

½ gotë qumësht (100 ml)

½ gotë ujë (100 ml)

Kripë dhe arrë moskat

1 lugë supe gjalp

80 gr miell

1 tufë erza jeshile mix

1 kokërr vezë

1 l lëng pule

Përgatitja:

Në një enë hedhim qumështin, ujin, kripën, piperin dhe arrën moskat e gjalpin. I lëmë në zjarr deri sa të marrë valë.

Hedhim miellin dhe e trazojmë vazhdimisht deri sat ë trashet plotësisht për 1-2 minuta. Lajmë, thajmë erzat dhe i grijmë ato imët. Gjysmën e erzave e bashkojmë me brumin dhe vezët dhe vazhdojmë të punojmë atë deri sa përbërësit të bashkohen mirë.

Formojmë qofte të vogla.

Vendosim lëngun e pulës të ziejë dhe shtojmë në të qoftet me erza duke i lënë të ziejnë për 10 minuta. Në 2c minutat e fundit shtojmë erzat e freskëta dhe e shërbejmë menjëherë.

Supë me qofte erzash

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06