POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Tavë me pulë, domate e oriz dhe Qofte me thjerrza

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Tavë me pulë, domate dhe oriz

Përbërësit:

800 gr pulë

3 kokrra qepë

2 speca

½ spec djegës

700 gr domate të pjekura

1 lç sheqer

1 gotë oriz

4 lgj vaj ulliri

Kripë+ piper i zi

Përgatitja

Marinojmë pulën me kripë e piper të zi. Qërojmë qepën dhe e presim në fije si për sallatë. Specat i presim në shirita. Domatet I vendosim në ujë të valuar dhe i heqim lëkurën e më pas i presim në feta. Ngohim vajin dhe skuqim mishin e pulës nga të dyja anët. Shtojmë qepën dhe e kaurdisim atë deri sa të zbutet e të zverdhet pak. Shtojmë specat dhe i trazojmë deri sa të ulet volumi i tyre. Më pas shtojmë domatet, sheqer, kripë e piper të zi. Sa të fillojnë të ziejnë, shtojmë mishin e pulës dhe e lëmë të ziejë për 7-10 minuta. Shtojmë orizin dhe e lëmë të ziejë për 5 minuta. Kalojmë të gjithë përbërësit në një tavë të cilën e vendosim në furrë në temperaturën 200ºC për 25-30 minuta deri sa mishi të jetë pjekur dhe orizi të jetë zier. Nëse domatet nuk kanë shumë lëng mund të shtoni një gotë ujë të nxehtë.

Kjo recetë kushton 620 lekë, por asnjë prej telefonuesve që u bënë pjesë e quiz-it nuk mundën të gjenin vlerën e saktë. Të gjitha amvisat mund të bëhen pjesë e quiz-it duke telefonuar në numrin 044 400 101 dhe të kenë mundësi të fitojnë 2000 lekë të reja nga Conad.

Tavë me pulë, domate e oriz

Receta e dytë: Qofte me thjerrza

Përbërësit:

200 gr thjerrza

1 degë selino

1 karrote

2 patate të vogla

½ thelbi hudhër

3 lgj parmixhan i grirë

½ tufë majdanoz

kripë+ piper i zi

2-3 lgj bukë e thekur

3 kokërr vezë

60 gr galetë

Përgatitja:

Shpëlajmë thjerrëzat me ujë të ftohtë dhe i vendosim në tenxhere.  Shtojmë në të 1 degë selino, 1 karrotë, 2 patate të vogla dhe gjysmë thelbi hudhër. Shtojmë ujë në temperaturë ambienti dhe i vendosim për të zier për 25 minuta në temperaturë mesatare. Pasi të ketë zier, i lëmë të ftohen dhe I kullojmë. Nëse ka ujë dhe pasi ti kullojmë, i vendosim në grirësen e qepës dhe i kthejmë thjerrzat, patatet, selinonë, karrotat e hudhrën në pure.

Shtojmë tek pureja 70 gr djath të integruar parmixhan ose grana padana, kripë, piper të zi, 2-5 lugë gjelle bukë të thatë të thërrmuar, 1 vezë dhe i përziejmë përsëri në mixerin e qepës deri sa të formohet një masë brumi. Lyejmë duart me vaj dhe formojmë qofte sa një arrë e madhe ose në madhësinë që dëshironi.

Rrahim 2 kokrra vezë në një pjatë dhe në një pjatë tjetër vendosim peksimadhe. Vendosim vajin për tu ngrohur dhe fillimisht kalojmë qoftet në vezë, e më pas i rrotullojmë në peksimadhe dhe i skuqim për 3 minuta duke i rrotulluar nga të gjitha anët. Pasi të skuqen i shërbejmë me sallatën që dëshironi.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Spahiu: Thirrja e Erjonit dhe Belindit në të njëjtën ditë në SPAK, politikë penale dhe jo profesionale

Spahiu: Thirrja e Erjonit dhe Belindit në të njëjtën ditë në SPAK, politikë penale dhe jo profesionale

26 Dhjetor, 22:50