X

POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Tavë me oriz e kunguj të njomë dhe Supë me mëlçi qingji

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Tavë me oriz dhe kunguj të njomë

Përbërësit:

320 gr oriz

500 gr kunguj të njomë

2 kokrra qepë

3 kokrra vezë

4 lgj pana gatimi

5 lgj vaj ulliri

Kripë dhe piper i zi

Rozmarinë

Arrë moskat

Përgatitja:

  Ziejmë orizin vetëm për 8 minuta, e kullojmë dhe e lëmë të ftohet. Ndërkohë grijmë kungullin në rende. Në një tigan me 2 lugë gjelle vaj ulliri kaurdisim qepën të grirë hollë vetëm për 5 minuta. Vendosim në një tas orizin gjysëm të zier, qepën e kaurdisur, 2 lugë gjelle vaj ulliri, djathin e grirë në rende dhe kungullin e grirë e më pas i përziejmë mirë. Në një tas rrahim 3 kokrra vezë me panën dhe i përziejmë mirë. Shtojmë erëzat, kripë, piper të zi, arrë moskat, rozmarinë dhe i trazojmë mirë. Bashkojmë 2 tasat në një të vetëm (orizin me vezët). I përziejmë mirë dhe i shtojmë në një tavë duke i niveluar mirë. Vendosim tepsinë në furrë të parangrohur në temperaturën 180ºC për 25-30 minuta.

Tavë me oriz dhe kunguj të njomë

Receta e dytë: Supë me mëlçi qingji

Përbërësit:

400-500 gr të brendshme qingji

1 lgj gjalp

3 lgj oriz

5 qepë të njoma

2 të verdha veze

3 lgj lëng limoni

Kripë dhe piper i zi

Kopër

Përgatitja:

Lajmë të brendshmet e qingjit dhe i përvëlojmë në ujë të valuar për 5 minuta. I kullojmë , i lëmë të ftohen dhe i presim në kubikë të vegjël. Në një tenxhere shkrijmë gjalpin dhe kaurdisim të bardhat e qepëve të njoma deri sa të zbuten, por jo të marrin ngjyrë. Shtojmë mëlçitë e prera, i kaurdisim pak e më pas shtojmë lëngun për të zier mëlccitë. Shtojmë orizin dhe e lëmë deri sat ë ziejë plotësisht. Rregullojmë shijen me kripë dhe e lëmë supën ti bjerë vala. Pas 5 minutash pritet supa me vezë dhe limon. Rregullojmë shijen nëse duhet akoma dhe në fund e spërkatim me piper të zi dhe kopër.

Supë me mëlçi qingji

b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

Pirro Dhima kërkon vota në emër të ‘Vorio Epirit’ dhe si ‘Pirro i të gjithë grekëve’ me pamje nga Shqipëria

Pirro Dhima kërkon vota në emër të ‘Vorio Epirit’ dhe si ‘Pirro i të gjithë grekëve’ me pamje nga Shqipëria

18 Prill, 19:20