POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Tavë me perime vezë dhe Sallatë me perime

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Tavë me perime dhe vezë

Përbërësit:

600 gr patate

250 gr speca jeshil

200 gr speca të kuq

4 kokrra vezë

4 salçiçe

100 gr djath

Kripë

Vaj luledielli

Përgatitja:

Qërojmë patatet dhe i presim në kubikë me brinjë 1 cm. ngrohim vajin dhe i skuqim patatet sa të zverdhen. I vendosim në një pjatë ku kemi shtruar letër kuzhine për të larguar yndyrën e tepërt.

Ndërkohë presim specat në fije ose kubikë të vegjël, edhe ato me brinjë 1 cm. Salçiçet i presim në gjysmë rrathë të vegjël. Mund të shtroni në një tavë familjare për 4 persona ose ti ndani në tava të vogla individuale.

Shtrojmë si bazë në fillim patatet e skuqura lehtë sa të marrin ngjyrë. Mbi patatet spërkatim pak kripë dhe shtrojmë një rresht me speca jeshil dhe pak speca të kuq. Vendosim mbi specat një vezë syze dhe e mbulojmë vezën me feta të holla djathi rreth e qark të bardhës së vezës. Vendosim tavën në furrë në temperaturën 180ºC për 15-20 minuta.

Kjo recetë kushton 510 lekë, por asnjë prej telefonuesve që u bënë pjesë e quiz-it nuk mundën të gjenin vlerën e saktë. Të gjitha amvisat mund të bëhen pjesë e quiz-it duke telefonuar në numrin 044 400 101 dhe të kenë mundësi të fitojnë 2000 lekë të reja nga Conad.

Tavë me perime dhe vezë

Receta e dytë: Sallatë me patëllxhanë

Përbërësit:

3-4 patëllxhanë

1 kokë hudhër

Majdanoz-kopër

50 gr arra

3 lugë gjelle vaj ulliri

Kripë

2 lugë gjelle uthull

Përgatitja:

Patëllxhanët i pastrojmë dhe pasi i presim i vendosim në ujë me kripë për 20 minuta. I kullojmë dhe I lajmë me letër kuzhine. Spërkatim një tigan zgare me vaj luledielli dhe pjekim fetat e patëllxhanit. Qërojmë hudhrat dhe I grijmë ato imët. I trazojmë në një tas me kripë, uthull, vaj ulliri dhe i përziejmë mirë. Rendisim në një pjatancë fetat e patëllxhanit dhe I spërkatim me hudhrat, vajin dhe uthullën. Shpërndajmë arra të grira dhe majdanoz me kopër. Këtë shtresë mund ta përsërisni deri sa të përfundoni komplet fetat e patëllxhanit. Në fund spërkatim me vaj ulliri dhe e shërbejmë.

Sallatë me patëllxhanë

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Cilët janë sot patriotët dhe atdhetarët dhe kush meriton të festojë Pavarësinë?

Cilët janë sot patriotët dhe atdhetarët dhe kush meriton të festojë Pavarësinë?

28 Nëntor, 09:35 nga Alba Malltezi