POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Tavë me presh e patate dhe Ëmbëlsirë me krem portokalli

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e pare: Tavë me presh dhe patate

Përbërësit:

800 gr patate

1 qepë e madhe

3 presh të plotë

500 gr mish të grirë

200 gr djath të bardhë

3 lgj parmixhanë të grirë

200 ml pana

3 kokrra vezë

300 ml lëng perimesh

3 lgj vaj ulliri

Kripë+ piper të zi+hudhër pluhur

Përgatitja:

Lajmë dhe pastrojmë preshët, i presim ato horizontalisht në dysh dhe pastaj i presim në trashësi

Patatet i qërojmë dhe i presim në feta me trashësi 3-4 mm. Vendosim  një tenxhere meujë ta valuar, hedhim në të kripë dhe ziejmë patatet për 4 minuta dhe i kullojmë. Lyejmë një tepsi me vaj ulliri dhe shtojmë një bazë me patate. Gjatë kohës që patatet ziejnë vendosim tiganin me pak vaj dhe kaurdisim mishin e grirë deri sa ai të ndryshojë ngjyrë dhe më pas qepën në rrathë, kripë e piper të zi.

Ndërkohë që mishi gatuhet, në një tas rrahim vezët e plota dhe i përziejmë mirë me panë. Shtojmë lëngun e perimeve, kripë e piper nga mulliri dhe djathin e bardhë të thërrmuar. Në tavë ku kemi shtuar patatet shtrojmë një rresht me presh. Mbi presh shtrojmë mishin me qepën gjysmë të gatuar. Në fund shpërndajmë vezët e përziera me pana dhe lëng perimesh (3/4 e masës).

Në fund mbulojmë tavën me një shtresë tjetër me patate dhe  e spërkatim me vezën e mbetur. E pudrosim të gjithë sipërfaqen me djath parmixhan dhe e vendosim tavën në furrë në temperaturën 200ºc për 30 minuta.

Tavë me presh dhe patate

Receta e dytë: Ëmbëlsirë me krem portokalli

Përbërja:

½ pako biskota pa yndyrë

6 lgj sheqer

¾ gotë ujë

Për kremin me vanilje

500 ml qumësht

30 gr miell

30 gr niseshte

75 gr sheqer

4-5 të verdha veze

1 lëkurë limoni

Vanilje

20 gr gjalp

Për kremin me portokall

2 gota lëng portokalli të shtrydhur

2,5 lgj sheqer

2 lgj niseshte

1 portokall për dekor

Përgatitja:

Copëtojmë biskotat dhe vendosim 1 ½ -2 lugë gjelle në ccdo gotë. Karamelizojmë sheqerin dhe e lëmë të marrë një valë, e heqim mënjanë dhe e lëmë të ftohet.

Trazojmë të verdhat e vezëve me sheqerin deri sa sheqeri të shkrijë. Shtojmë miellin, niseshtenë dhe i përziejmë së bashku që të bëhet një masë kremoze. Ngrohim pjesën tjetër të qumështit dhe e shtojmë gradualisht tek tasi që përziemë vezën, sheqerin, miellin dhe niseshtenë. Shtojmë vaniljen dhe e vendosim në zjarr për të marrë një valë të lehtë në temperaturë mesatare. Sa të bjerë pak vala, shtojmë atë në ccdo gotë duke e mbudhur atë ¾ e gotës. Ndërkohë vendosim lëngun e portokallit duke holluar pak niseshte me sheqerin sa të marrë valë dhe kremi i portokallit mbushim pjesën tjetër të gotës. I lëmë të ftohen në frigorifer dhe i servirim duke i dekoruar me një fetë portokall dhe me pak ccokollatë të bardhë të thërrmuar.

Ëmbëlsirë me krem portokalli

b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Akt sabotazhi në Baltik? BE kërcënon Rusinë me sanksione

Akt sabotazhi në Baltik? BE kërcënon Rusinë me sanksione

27 Dhjetor, 08:16